Gjashtë pedagogë në Universitetin Bujqësor të Kamzës u pezulluan disa ditë më parë, pas denoncimeve për afera s.eksuale, korrupsion e mosparaqitje në leksion.
Njëri prej pedagogëve të pezulluar akuzohet për ngacmime s.eksuale. Studentët kanë zbuluar edhe një e-mail të nisur prej tij.
“Kur të gjesh mundësi duhet të takohemi diku sepse në shkollë gjërat keqkuptohen dhe nuk kam dëshirë të merrem me debila.
Dua të them ca gjëra për të ardhmen tënde. Flasim”, thuhet në një mesazh të publikuar nga “Fiks Fare”.
Ky është e-maili që pedagogu i ka dërguar njërës prej studenteve, sepse për çdo studente që ishte zgjedhur në listën e e-maileve si preferencë e tij, mesazhet ishin të ndryshme dhe të personalizuara.
“Një pedagog është e vërtetë që u penalizua për probleme jo të moralshme; një për problem të performancës me studentët dhe një tjetër që nuk frekuentonte auditorët.
Pjesa tjetër e pedagogëve janë penalizuar ose për fenomene korruptive, ose për shitje të d.hunshme të librave”, tha zv.dekani Paskal Gjino.
