Frika po rritet në lidhje me përpjekjet e Kremlinit për të nxitur dhe shpërndarë tensionet e ndezura në një “shesh të dytë beteje”. Ballkani është nën shënjestrën kryesore, pasi mjafton një shkëndijë dhe shpërthen i gjithë rajoni. Kjo situatë ka bërë që Shtetet e Bashkuara të Amerikës të luajnë “duart”.
Amerikanët po shndërrojnë Shqipërinë si kryeqendrën Evropës Juglindore për shkak të pozicionit të saj gjeostrategjik. SHBA ka aktivizuar planin e mbrojtjes totale dhe gjithçka nis nga vendi ynë. Mësohet se Forcat speciale amerikane të kamufluara si civilë janë shpërndarë në të gjitha qytetet e Shqipërisë. Përqëndrimi i tyre më i madh është në Tiranë.
Këto Forca Speciale janë një njësi ushtarake shumë e trajnuar. Ata kanë pajisjet më të fundit të teknologjisë dhe armët më të përparuar dhe janë të aftë për të depërtuar shumë lehtë në linjën e armikut dhe të reagojnë përballë çdo kërcënimi. Këto trupa po ndihmojnë në përsosjen e ushtrisë tonë. Në këtë situatë, fokusi i SHBA do të jetë ndalimi i ndikimit rus, por dhe ndalimi i çdo skenari destabilizues në rajon. Kjo do të thotë se SHBA nuk do lejojë asnjë lloj krize e dhe konflikti politik në vend.
Roli i Shqipërisë dhe SHBA
Sinjalet për rolin e rëndësishëm që ka Shqipëria për paqen dhe sigurinë në Ballkan u dhanë pak muaj më parë, ku SHBA vendosi që të mbledhë të gjithë ambasadorët amerikanë të rajonit në Tiranë.
Kjo lloj konference nuk ishte mbajtur ndonjëherë. Aty u diskutuan jo vetëm për situatën në rajon, por edhe në botë. Në takim morën pjesë i dërguari special i SHBA-së për Ballkanin Perëndimor, Gabriel Escobar, si dhe i dërguari special dhe koordinatori i Qendrës për Angazhim Global në Departamentin e Shtetit Amerikan, James Rubin.
Mikpritës i takimit ishte ambasadorja e SHBA-së në Shqipëri, Juri Kim dhe pjesëmarrës ishin ambasadori në Serbi, Christopher Hill, i ngarkuari me punë i Ambasadës Amerikane në Kroaci, Mark Fleming, ambasadorja në Mal të Zi, Judy Reising Reinke, ambasadorja në Maqedoninë e Veriut, Angela Ageler, ambasadori në Greqi, George Tsunis, si dhe ambasadorët amerikanë në Bullgari, Kenneth Merten, në Bosnje dhe Hercegovinë, Michael Murphy dhe në Prishtinë, Jeffrey Hovenier, raportuan mediat në gjithë Ballkanin.
Aktualisht me ndihëm e Shteteve të Bashkuara të Amerikës dhe NATO, po ndërtohet baza ushtarake e Kuçovës, e cila do jetë në dispozicion të aleancës, vendim ky që tregon shumë, pasi përveç garancive që i jepen Shqipërisë, të mbrojtur janë edhe vendet fqinje. Thënë ndryshe Shqipëria është vendi i vetëm më 100% pro-amerikan dhe SHBA-të duket se janë vendi i vetëm më pro-shqiptar, çka tregon se teksa në horizont Rusia përpiqet të shtrijë tentakulat në rajonin e Ballkanit për ta destabilizuar atë, amerikanët janë vënë në lëvizje për të ruajtur paqen, sigurinë dhe prosperitetin e rajonit të Ballkanit dhe më tej në gjithë Evropën.
Falë SHBA sot rajoni është në paqe duke punuar bashkë për të përballuar sfidat e mëdha të kohës, duke nisur që me krizën e refugjatëve gjithashtu, duke mbështetur njëri-tjetrin në rrugën drejt integrimit europian, duke transformuar peizazhin ekonomik dhe politik, si edhe duke qëndruar me Perëndimin me shpërthimin e luftës në Ukrainë.
Siguria mesa duket do të vazhdojë për një kohë të gjatë për Shqipërinë dhe kjo i detyrohet jo në masë të vogël, për të thënë më të paktën, angazhimit të Shteteve të Bashkuara dhe është një histori e madhe suksesi e politikës së jashtme të Shteteve të Bashkuara. /Sot
