Një ngjarje kriminale është zbardhur nga autoritetet greke. Bëhet fjalë për ekzekutimin e një shtetasi të Maqedonisë së Veriut me origjinë shqiptare.
Sipas autoriteteve ngjarja është regjistruar në datën 15.07.2023 në vendin e quajtur Hanioti i Kalkidhikisë. Disa persona qëlluan dhe lanë të vdekur në vend Orhan Bajramin dhe plagosën rëndë Sead Sezlovijk.
Nga hetimet ka rezultuar se autor i ngjarjes është Gani Tusha alias Marku, shtetas i Maqedonisë së Veriut, me origjinë shqiptare, ndërsa në kërkim janë shpallur dy bashkëpunëtorë të tij, po shtetas të RMV me origjinë shqiptare.
Policia mundi të identifikojë autorin pasi vetëm rreth 300 metra më tej nga vendi ku u ekzekutua Orham Bajrami u gjetën pistoleta zastava me 5 fishekë, një palë doreza, size të errëta dhe kapuçi që ekzekutori mbante për të mos u identifikuar.
Sipas policisë greke Tusha mbahet në një burg të Shkupit, pasi akuzohet se ka vrarë dy anëtarë të një organizate rivale marsin e kaluar. Ai u arrestua menjëherë pas ekzekutimit të Bajramit. Ndaj tij u lëshua një urdhër arresti dhe kërkesë për ekstradim.
