Hakerat iranianë të Homeland Justice, përmes sulmit ndaj disa banka të nivelit të dytë, kanë futur në dorë të dhëna sensitive për llogaritë e klientëve VIP.
Një burim i tha për Prapaskenën se hakerat iranianë kanë mundur të zbulojnë llogaritë e ‘sheikut’ me maskë bamirësi, Elvis Naçi, në një bankë të nivelit të dytë.
Të dhënat mbi llogaritë bankare të Naçit janë zbërthyer pasi hakersat kanë arritur të marrin në dorë llogaritë ‘user’ të drejtoreshave dhe drejtorëve të bankës, në të cilat ruheshin të dhënat për klientët e zakonshëm dhe sidomos për klientët VIP.
Vetëm disa llogari të Naçit janë në vlerën e qindra mijëra euro, para këto të siguruara përmes vjedhjes me anë të fondacionit të tij familjar dhe bunker.
Përfaqësuesit e bankës po e mbajnë me rrena Naçin, duke i thënë se llogaritë e tij janë të sigurta dhe se askush nuk di gjë rreth vlerës së shumave.
Elvis Naçi qarkullon miliona euro në errësirë, përmes Fondacioni Firdeus, që përbëhet nga një rreth familjar dhe nepotik i padepërtueshëm.
Naçi kalon në llogaritë e tij paratë, duke mashtruar me vlerën e operacioneve jashtë vendit. Nëse një operacion kushton 20 mijë euro, në letra deklarohet 100 mijë euro, duke vjedhur kështu paratë.
Ndërkaq, bashkëshortja e tij Fatma Naçi është lakuar për ndërhyrje estetike me vlerë mijëra euro, duke tejkaluar edhe Monika Kryemadhin. Çifti ka hapur edhe dyqan syzesh, ndërsa dyshohen se kanë fshehur biznese të tjera në emrat e të afërmve.
Kohë më parë, Naçi është thirrur në SPAK për llogari të një hetimi për korrupsion dhe pastrim parash.
Fondacioni bunker
Nëse futesh dhe kërkon në faqen e Fondacionit Firdeus të Elvis Naçit gjen vetëm një informacion formal për misionin dhe kush është Elvis Naçi, ndërsa gjithçka tjetër mbahet e fshehtë, çka i jep fondacionit tiparet e një misioni sekret, qendre spiunazhi apo sekti.
Mungon transparenca për anëtarët e bordit drejtues, stafi ekzekutiv, këshillat, burimet e financimit, raportet financiare etj. Pra, nuk ekziston informacioni më elementar financiar, për bordin dhe stafin.
Dhe ky bunkerizim, i cili duhet të tërhiqte vëmendjen e Prokurorisë, SPAK dhe Drejtorisë për Parandalimin e Pastrimit të Parave, nuk është rastësor.
Elvis Naçi i fsheh për publikun bordin dhe stafin, pasi këto dy organe bazë të fondacionit përbëhen nga tarafi i tij familjar.
Fondacioni familjar
Anëtarët e bordit drejtuesjanë themeluesi Elvis Naçi dhe Muharrem Naçi, babai i Elvis Naçit, tashmë i ndjerë. Pasi Muharrem Naçi ndërroi jetë, Elvisi e zëvëndësoi me Marvin Naçin, i cili është djali i xhaxhait, kushëriri i tij i parë.
Pjesë e bordit është edhe Florian Brinja, i cili është djali i tezes së Elvis Naçit.
Më pas bordit i shtohen si anëtarë të rinj, Fatime Naçi, e cila është bashkëshortja e Elvis Naçit dhe Andi Qinami, që është baxhanaku i Elvis Naçit. Si drejtor ekzekutiv i fondacionit shërben Ilir Naçi, i cili është vëllai i Elvis Naçit.
E gjithë piramida e drejtimit të këtij fondacioni, është në fakt e përqëndruar në duart e familjes Naçi, vëllezërve, kushërinjve dhe njerzve me lidhje të ngushtë familjare me ta, pra rrjedhimisht çdo vendim i këtij fondacioni, është vullneti dhe dëshira e njerëzve të lidhur familjarisht me Elvis Naçin.
Ndryshe nga bordet e fondacioneve, që përgjithësisht përbëhen nga intelektualë apo njerëz të shquar me kontribute në shoqëri, në rastin e fondacionit të themeluar nga Elvis Naçi, bëhet fjalët për njerëzit e tij të afërt, që i sigurojnë, kontroll absolut mbi vendimet e fondacionit.
Por, pavarësisht se drejtimi i fondacionit ka karakter klanor dhe duket si një strukturë e vogël familjare, shtrirja e fondacionit dhe punët e kryera prej tij, janë të një përmase gjigande. Një makineri e madhe, e cila ka qarkulluar miliona euro, të dhuruar nga shqiptarët, për bamirësi.
Vetëm në rastin e tërmetit që goditi Shqipërinë në nëntor të vitit 2019, Elvis Naçi ka pranuar që ndihmat e mbledhura nëpërmjet fondacionit Firdeus, kapin vlerën e mbi 9 milionë eurove.
