Edhe pse janë injoruar dhe përzënë nga studentët, Basha ka gjetur mënyra të tjera për t’u bërë pjesë e protestës. Këtë radhë, ai ka tentuar të përfshihet në një mënyrë të ulët dhe skandaloze, e cila i ka dalë në shesh.
Skandali i Bashës, që i nxin edhe më shumë fytyrën dështakut më të madh politik të PD, është zbuluar përmes disa bisedave në WhatsApp, ku tregohet qartë mënyra si tenton ai dhe ‘veglat’ e tij në parti të funsin hundët te protesta studentore
Përmes këtyre mesazheve, të cilat po i sjellim të plota më poshtë, tregohet se si eksponentë të PD, të urdhëruar nga Lulzim Basha, po tentojnë të paguajnë autobusë, që të sjellin studentë nga rrethet për t’iu bashkuar protestës në Tiranë, para Ministrisë së Arsimit.
Mesazhet janë publikuar pasditen e sotme në mediat online, ku thuhet se Partia Demokratike iu ka paguar studentëve autobusë për t’i sjellë në Tiranë. Në fakt, studentët deri më sot kanë refuzuar të politizojnë protestën, duke mos lejuar asnjë lloj elementi politik të bëhet pjesë e nisëm së tyre, ndaj dhe me shumë gjasa edhe ditën e nesërme të rinjtë nuk do të pranojnë kërkesën e PD, e cila po tenton të shfrytëzojë çdo rast për të treguar veten.
Se sa do lejohen partitë të hyjnë në protestë, nuk dihet, ama ajo që dihet është që PD po paguan transportin e tyre për t’i mbledhur ata në kryeqytet!
