Prodhuesi më i madh i gëzofit nga nuselalet në botë Danimarka, do të v.rasë deri në 17 milion nuselale, pasi është zbuluar një version i ri koronavirusit mjaft i rrezikshëm që mund të përhapet te njerëzit nga fermat e tyre.
Kryeministri i vendit Mette Frederiksen tha se virusi kishte përjetuar mutacion dhe përbënte një “rrezik për efektivitetin” e një vaksine të ardhshme kundër Covid-19.
Rastet e këtij lloj koronavirusi janë zbuluar në fermat e nuselaleve në rajonin verior të Danimarkës në Jutland dhe në pjesë të tjera të Evropës, për disa muaj rresht.
Autoritetet në Danimarkë kanë thënë se rastet po përhapen me shpejtësi dhe deri tani 12 njerëz janë infektuar nga koronavirusi i nuselaleve.
Kryeministri danez, e cilësoi situatën si shumë serioze duke cituar një raport qeveritar në të cilin thuhej se, “virusi që kishte perjetuar mutacion dobësonte aftësinë e trupit për të formuar antitrupa, duke i bërë vaksinat aktuale nën zhvillim për Covid-19 joefektive.”
Edhe Spanja kishte mbylluar më shumë se 100,000 nuselale, pas shpërthimit të infektimeve në një fermë në Aragon ndërsa dhjetra mijëra kafshë kishte therur Holanda pas rasteve të zbuluara në fermat e saj.
Ndërkohë, po vazhdojnë studimet për të zbuluar se si nuselalet mund të infektohen me koronavirus duke sjellur mutacion të tij dhe se si po arrijnë ta përhapin atë tek njerëzit.
