Moderatorja e njohur, Viola Spiro ka reaguar për herë të parë pas humbjes së babait nga pandemia e koronavirusit.
Me anë të një statusi në Instagram, Spiro shkruan se ajo, mamaja dhe të motrat ishin të tmerruara nga ikja e parakohshme e anëtarit të familjes.
Ajo ka konfirmuar se i ati ishte infektuar nga pandemia, dhe se zemra e tij nuk e përballoi virusin, duke ndërruar jetë.
“Do doja të kisha fuqi që të shkruaja dhe të tregoja pafund për babain tonë, por jam e copëtuar… Jemi të tmerruara dhe të shkatërruara për mënyrën dhe kohën e shpejtë që e humbëm.
Babai ynë po luftonte me virusin e mallkuar por zemra e tij nuk duroi gjatë. Ajo pushoi ditën e dielë pa dhënë lamtumirën.
Sot e përcollëm për udhëtimin më të gjatë duke u lutur që të jetë i lehtë për të dhe më i bukur!,”-shkruan ajo.
Rodolf Spiro ndërroi jetë dy ditë më parë në Turqi në moshën 63-vjeçare. Babai i moderatores jetonte mes Shqipërisë dhe SHBA-ve, ndërsa sëfundmi ishte transferuar në atdhe.
