Rezultati i zgjedhjeve parlamentar në Greqi është bërë më i qartë tani me numërimin e mbi 80 për qind të votave në të gjithë vendin.
Në raundin e parë partia e Kyriakos Mitsotakis udhëheq bindshëm me 41 për qind, duke arritur të marrë pothuajse dyfishin e votova që ka marrë partia kryesore kundërshtare e Alexis Tsipras SYRIZA-s, e cila ka vetëm 20.09 për qind.
Ndërkohë forca e tretë zgjedhore është PASOK/Lëvizja Ndryshim me 12,16 për qind, e ndjekur nga KKE me 6,96 për qind dhe Zgjidhja greke me 4.5 për qind.
Me këtë përqindje votash aktualisht partia e Mitsotakis merr 145 deputetë, ndjekur nga SYRIZA-s me 72 deputetë, PASOK me 42 deputetë, KKE me 25 deputetë dhe Zgjidhja greke me 16 deputetë.
Ndërkohë kanë nisur dhe reagimet e para lidhur me rezultatin. Ishte vetë Kyriakos Mitsotakis i cili gjatë fjalës së tij drejtuar mbështetësve tha se partia që ai drejton ka marrë miratimin e qytetarëve për të qeverisur në mënyrë të pavarur dhe të fuqishme.
“Kjo është ajo që votuesit kërkuan në mënyrën më të prerë. Na kërkuan të ecnim në rrugën e reformave, me paga më të mira dhe një shoqëri me më pak pabarazi. Shpresa e mposhti pesimizmin. Uniteti e mposhti ndarjen. Jam krenare dhe shumë e emocionuar. Unë premtoj të punoj edhe më shumë për të nderuar besimin tonë. Qytetarët duan një qeveri të fortë me horizont katërvjeçar, me ndryshime më të guximshme, për të mbuluar terrenin e humbur që na ndan nga Evropa.
Ne kemi nevojë për një qeveri që beson realisht në reformat dhe mund t’i zbatojë ato. Matematika e analogjisë së thjeshtë çon në pazare dhe çon në rrugë pa krye. Tërmeti politik na bën thirrje të përshpejtojmë procesin. Qytetarët donin zgjedhjen e një Greqie të pavarur dhe një ND të pavarur. Sot mbyllet një kapitull por hapet një i ri. Ne kemi ndërtuar disponimin e ndershëm për autokritikë. Faleminderit përsëri nga zemra për besimin tuaj. Ne vazhdojmë në mënyrë të qëndrueshme, me guxim dhe përpara”, u shpreh Mitsotakis.
Gjithashtu kreu i SYRIZA-s, Alexis Tsipras pranoi humbjen dhe uroi për fitoren rivalin e tij të Demokracisë së Re, Kyriakos Mitsotakis. Ai gjithashtu pranoi se rezultati ishte jashtëzakonisht negativ për partinë e tij teksa shtoi se partia e tij do të bëhet gati për raundin e dytë që pritet të mbahet me 25 qershor.
“Rezultati ishte jashtëzakonisht negativ. Pak më parë u takova me zotin Mitsotakis dhe e përgëzova. Lojërat kanë fitore dhe humbje. Trupat tanë kolektivë do të shërohen menjëherë. Cikli zgjedhor nuk mbyllet, do të ketë zgjedhje të dyta. Nuk kemi shumë kohë, duhet të bëjmë ndryshimet që duhen. Dua të falënderoj qindra mijëra qytetarë që na nderuan me votat e tyre”, u shpreh ai.
Por pavarësisht se partia e Mitsotakis kryeson me një rezultat të thellë, ajo nuk qeveris dot e vetme pasi i duhen mbi 48 për qind e votave. Ky mesa duket është edhe qëllimi i Kyriakos Mitsotakis i cili sipas mediave greke është gati ta dërgojë vendin në një raund të dytë zgjedhjesh, madje sipas tyre ka caktuar edhe datën që mësohet të jetë 25 qershori.
Kreu i SYRIZA-s në Greqi, Alexis Tsipras ka pranuar humbjen dhe ka uruar për fitoren rivalin e tij të Demokracisë së Re, Kyriakos Mitsotakis.
Tsipras mbërriti në selinë e partisë rreth orës 21:00. Edhe pse me një rezultat të dobët, ai është pritur me duartrokitje nga mbështetësit e tij.
