Gjykata ka dhënë në menyrë më të paprecedent një masë tejet skandaloze për Sali Berishën, në shkelje flagrante të ligjit, natyrisht duke besuar atë që arsyeton gjykata në akuzë.
Shpërdorimi i detyrës dhe pastrimi i parave kanë ngrënë kokat e dhjetra zyrtarve të majtë, që akuzohen për një 20 mijë lekësh, si rasti i kanalit të Divjakës, ku u dënuan 20 veta për 20 mijë lekë të reja, pa përmendur raste të tjera skandaloze.
Ndërsa krimet shtetërore të Sali Berishës janë pafund, që nga vrasja, terrori, ndryshimi i rezultatit zgjedhor me anë të armëve dhe grabitjes së kutive të votomit publikisht në vitin 1996, gjëma si të ’97-ës dhe ’98-ës, vrasjet e Gërdecit dhe urdhër-vrasjet e 21 Janarit, që nuk e dërguan kurrë para drejtësisë autorin dhe që nuk mund të lahen në govatën e llumit me një sapun… me detyrim paraqitje, për një pikë ujë në detin e krimeve të tij.
Arsyetim është antiligjor vetëm me një fakt tronditës, që për Berishën është shkelur ligji i barazisë së qytetarëve para drejtësisë, kur ky është njeriu më i nxirë me vepra penale si politikan.
Ose ekziston dhe dyshimi i arsyeshëm, që për Berishën nuk i kanë kopsitur akoma provat për t’i hequr imunitetin, ose kanë frikë ta arrestojnë dhe justifikohen me moshën.
Nëse vërtetë gjykata justifikon moshën si arsye për të mos i dhënë masën e sigurisë sipas ligjit për veprat penale të kryera, do ishte shumë më efikase dhe e arsyeshme masa e arrestit shtëpiak, ku Saliu do të kishte mundësi të shtrihej dhe qetësohej dhe të përgatiste mbrojtjen e tij, pa patur mundësi për të lehur nëpër banaqet e telehaleve që e thërrasin për të folur për korrupsionin dhe hajdutin Rama.
Kështu do na jepte mundësi edhe neve, që t’i shikojmë ndonjëherë edhe TV shqiptare, për të cilat paguajmë çdo muaj, por nuk arrijmë t’i shikojmë kurrë, sepse na tremben fëmijët, duke i mbushur programet me piskamat e tij dhe të përkrahësve të tij./ Ekskluzive.al
