Avokati Spartak Ngjela shkruans e Bashkimi Europian po kërcënon sot Berishën me Reformën në Drejtësi.
Ai shprehet se Danielson drejtori i përgjithshëm dhe përfaqësues i lartë i Bashkimit Europian për zgjerinin, kërcënoi sot në Tiranë Berishën dhe Bashën duke i dhënë mbështetje maksimale prokurores Arta Marku.
Postimi i Ngjelës
Bashkimi Europian kërcënon sot Berishën me Reformën në Drejtësi.
Danielson drejtori i përgjithshëm dhe përfaqësues i lartë i Bashkimit Europian për zgjerinin, kërcënoi sot në Tiranë Berishën dhe Bashën duke i dhënë mbështetje maksimale prokurores Arta Marku.
Takoi dhe iu dha përkrahje edhe anëtarëve të Këshillit të Emërimeve në Drejtësi. “Reforma në drejtësi po ecën përpara, BE mbështet punën tuaj” – iu tha ai Prokurores dhe Këshillit, duke i paralajmëruar të gjithë të korruptuarit që po duan të destabilizojnë Shqipërinë se Reforma nuk ndalohet dot.
Kurse BE thekson ndërkaq se ajo vetë i mbështet edhe Këshillin e Emërimeve në Drejtësi, edhe Prokuroren e Përgjithshme Arta Marku.
Nga kjo kuptohet sak që politikës së lartë perëndimore i ka ardhur përshtat djegia e mandateve të opozitës. Në fakt politika perëndimore po e thotë hapur që djegie e mandateve përshpejton Reformën në Drejtësi, kurse vetë reforma hap dyert e Shqipërisë për në Bashkimin Europian.
Davidsoni i tha hapur kështu se “protesta juaj e revoltuar, është frikë dhe kundërshtim i Reformës në Drejtësi. Por e keni të kotë: askush nuk iu mbështet në Perëndim”.
Kanë folur hapur sot ndërkombëtarët. A e dini si mund të përkthehet fjala e Davidsonit: “zonja Marku, fillo arrestimet për korrupsionin e niveleve të larta!”.
Natyrisht proceset penale do fillojnë menjëherë pas fillimit nga puna e Prokurorisë së Posaçme dhe Gjykatës së Posaçme. Por ky prononcimi i sotëm i BE-së kuptohet se është preludi i hapjes së skenës ku do të involvohet procesi penal i të korruptuarve të lartë në Shqipëri.
