Nga Anri Bala
“Zysh Ziku” ka qenë mësuesja e nënës time! Madje, përveç se mësuese, familja e nënës time me familjen e Xhelal Bashës, ishin banorë të së njëjtës rrugicë. E nderuara Zysh Ziku, është nëna e kryetarit pa formë të opozitës së dekantuar në fundin e enës së saj, si llumi që Lyl Basha e tund herë pas here, duke na kujtuar edhe kur harrojmë, se opozita sot është ajo që ka qenë mot, parmot dhe përmot, që kur në krye të saj u vunë “delenxhiler” pa yndyrë dhe nder.
Unë nuk e njoh zysh Zikun, por nëna ime, sa herë që shikonte Lulin fliste me superlativa për nënën e tij dhe jo vetëm për mësuesen, por ajo tregonte një respekt të veçantë, për të gjithë familjen Basha dhe dalngadalë nisa t’i shikoj edhe unë në “sytë” e nënës time.
Por sot, të më fali mësuese Ziku dhe nëna ime… zero respekt për mësuesen që ka edukuar qindra fëmijë dhe nuk paska ditur të edukojë fëmijën e saj! Akti më i shëmtuar që mund të kisha parë ndonjëherë, e që mendoja se nuk do e shihja ndonjëherë nga një politikan, ishte fyerja dhe hakërrimi që Lyli i bëri zonjës së nderuar, pedagoges Luljeta Bozo, që ka nxjerrë një armatë të tërë intelektualësh, drejtuesish dhe inxhinjerësh.
Nuk e besoja, se Lulzimi i Zikut do e bënte një gjest të tillë… ndërsa Lulziu, hallexhiu, që Saliu e la si kopil në derën e PD-së… po! Nga halli kur mundohet të shaj, të qaj, të qesh, të aktroj dhe të këndoj himnin kombëtar, si revolucionar i veshur me petkun e Don Kishotit, ai mund të bëjë gjithçka, edhe atë që nuk di të bëj… trimin.
Por ajo që më vuri mua në një pozitë edhe më të vështirë, ishte injorimi që i bën këtij akti brutal, poshtërues, fyes dhe kërcënues, mediat e “përputhen”, që s’dinë veçse të shqepen, qepen dhe masturbohen.
Po i pyes kolegët e media gallatës: Vertet iu duket normale që një zonjë e nderuar, profesoreshë, intelektuale, e moshuar, me kontribut të veçantë në ndërtimin e këtij vendi… ta urdhëroj si “kapo” i lagjes një çapaçul i pashkolluar, mediokër, që kurrë në jetën e tij nuk ka punuar askund dhe puna e vetme e tij ka qenë ajo e përkthyesit dhe e spiunit?!
Natyrisht, që aty ku janë katandisur këta dhe stallat e derrave që hungërijnë mediatikisht, nuk ka vend për çudi, sepse kjo për derrat është sjellja më normale, por për njerzit është imorale.
Ky imoralitet, më bëri të ndjehem keq, edhe pse kam besuar se akoma ka mbetur pak edukatë që nuk i lejon askujt të kaloj caqet. Në fakt, kisha harruar diçka themelore pa e kuptuar: Kjo vlen për ata që e dinë çfarë është caku dhe pragu dhe jo për mutin e shkelur nga këpuca, që në çdo prag që kalon dhe derë që hyn… do kutërboj./Ekskluzive.al
