Sot në Portin e Durrësit u ndalua një kamion me afër 2 milionë euro para të gatshme brenda tij me targa TR 2046 U.
Kamioni është kthyer ditën e djeshme në orën 01:30 minuta nga Bari. Ky kamion, përpara katër ditësh ka dalë nga Shqipëria.
Policia e ka bllokuar kamionin për kontroll. Kontrolli ka ardhur, pas dyshimeve që kishin forcat e policisë, pas marrjes së informacionit në rrugë operative.
Bëhet me dije se paratë u gjeten te fshehura mes kokës së kamionit dhe rimorkios.
Nuk është zbuluar ende numri i saktë i parave, pasi vijon numërimi.
Kamioni me targe TR 2046 U i përket një firme fasonesh që sjell në vend materiale për këpucë femrash.
Shoferi i kamionit, që u arrestua sot është Andon Thanasi.
Përpos arrestimit të shoferit të kamionit Thanasi, në polici janë shoqëruar edhe shumë persona, të cilët janë marrë në pyetje për vlerën e madhe të sekuestruar në port.
Disa detaje të reja janë zbardhur për kompaninë të cilën i përket kamioni që transportin e lëndë të parë për prodhimin e këpucëve dhe u gjetën 5 qese plastmasi me euro, ku deri tani flitet se janë rreth 2 milionë euro.
Kamioni është në pronësi të kompanisë JA-ADA shpk. Kjo është një kompani që bënë transportin për palët e treta dhe po ashtu merret edhe me shërbimet për telekomunikacionin dhe internetin dhe është në pronësi të biznesmenit A.B.