36 vite më parë, më 11 prill 1985 për shumë shqiptarë ishte një ditë e trishtë pasi ndërroi jetë Enver Hoxha, diktatori komunist i Shqipërisë.
Enver Hoxha ishte kryeministër i Shqipërisë në vitet 1944-1954 dhe në kohë të ndryshme ka shërbyer si ministër i Jashtëm dhe si ministër i Mbrojtjes.
Ai ishte zgjedhur në krye të Komitetit Antifashist Nacionalçlirimtar në 24 maj të vitit 1944, komitet i cili u shndërrua në Qeverinë e Përkohshme Demokratike në tetor të vitit 1944.
Qeveria e tij hyri në Tiranë në nëntor të vitit 1944.
I lindur më 16 tetor të vitit 1908, udhëheqësi më jetëgjatë në historinë shqiptare, ka mbajtur thuajse gjatë gjithë periudhës detyrën e sekretarit të Parë të Komitetit Qendror (e barazvlefshme me atë të kryetarit të partisë), detyrën e kryetarit të Frontit Demokratik dhe postin e komandantit të Përgjithshëm të Ushtrisë Nacionalçlirimtare (më pas Ushtria Popullore).
Sipas një ankete të OSBE, të vitit 2016, numri i simpatizantëve për politikat e Hoxhës po rritet dhe rreth 45% e shqiptarëve kanë mendim pozitiv për Enverin.
Hoxha ka qenë përgjegjës, për një numër të madh vrasjesh, përndjekjesh, turturash dhe internimesh duke shënuar sipas dëshmive mijëra akte terroriste.
