Këshilltari kryesor ekonomik i Allianz u shpreh se Europa mund të bie në recesion në 70%.
Mohamed El-Erian tha se për shkak të Brexit dhe një ekonomie gjermane në tkurrje, ekziston rreziku që Europa të vuajë krizën e dytë në një dekadë.
Banka qendrore e Gjermanisë paralajmëroi një recesion të mundshëm këtë javë, ndërsa Kryeministri i Mbretërisë së Bashkuar Boris Johnson vazhdon të shtyjë idenë e një Brexit pa marrëveshje.
El-Erian, u shpreh se Europa po “humbet shpejt vrullin” dhe BE po “po përpiqet të shkojë në një rënie të konsiderueshme”.
“Pesë ekonomitë kryesore në Evropë janë të hutuar nga problemet e tyre. Praktikisht asgjë nuk po bëhet. Asnjë politikë pro-rritjes nuk po del nga këto vende,” shtoi ai.
Ministri i Financave i Gjermanisë tha se recesioni i fundit kushtoi 55 miliardë dollarë, dhe kombi do të duhet të “mbledhë” një shumë të ngjashme për të luftuar krizën tjetër.
Italia përballet me një të ardhme të pasigurt. Jo vetëm që borxhi i madh i vendit është një barrë e madhe, por tregjet kanë reaguar dobët ndaj pasigurisë rreth kush do të jetë udhëheqësi i ri i vendit.
“Rritja e frikës së recesionit në Gjermani, së bashku me rritjen e rrezikut të një Brexit pa marrëveshje e bëjnë Europën një linjë faji të papritur për një rënie globale”.
