Kolec Traboini shkrimtari shkodran përmes një postimi ne “Facebook” , ka treguar për të gjithë ndjeksit e tij një foto të rrallë te Tish Daisë, kompozitorit dhe muzikantit shqiptar .
GJËNDET NJË FOTO E RALLË E TISH DAISË NË HOT TË RI NË VITIN 1950
Hot i Ri 1950, festa tradicionale e Shën Gjonit që festohet çdo vit si në Hot të vjetër edhe në Hot të Ri. Në qendër të fotografisë me fizarmonike ndodhet Tish Daija, pranë tij në të djathtë i vëllai i tij Tonin Daija, pas tyre Fran Zef Ujka (Çekaj – Gojç), në plan të parë në qendër mendohet të jetë Lek Zefi (Camaj) majtas ulur Luigj Luc Gjelosh Lekaj (Camaj), vëllai i kompozitorit Zef Lekaj, djathtas lart në këmbë Gjon Martini (Dedvukaj), poshtë tij i vëllai Kol Martini (Dedvukaj), në të majtë lart në këmbë Tringa (Gjyrashaj) gruaja Gjon Martinit, pranë saj duhet të jetë gruaja e Luigj Lekës, Desja. Sipër djathtas pranë Gjon Martinit duket sikur është Ndoc Trieshi, rrobaqepës nga Shkodra. Në bazë të kujtesës nga fëminia ime, kaq arrita të identifikoj. Mirëpritet çdo ndihmë për identifikimin e personave të tjerë në këtë fotografi. Falënderojmë biznesmenin Nikolin Dedvukaj që e ka ruajtur këtë fotografi në familje.
Kolec Palok Traboini
