Kryeministri Edi Rama, në një komunikim live me qytetarët, ka bërë publike masat e reja që qeveria do të marrë në ditët në vijim. Rama theksoi se do të zgjerohet fasha e orarit të lëvizjes, por se do të ashpërsohen masat.Kreu i qeverisë bëri me dije gjithashtu se do të autorizohet dhe hapja e dyqaneve.
“Kur e vumë këtë fashë orare, e vendosëm që do të zgjatje deri të hënën, por u detyruam ta shtyjmë me disa ditë. E keqja nuk ka ardhur akoma. Kjo nuk është çështje oraresh apo rregullash, por e disave që u ka mbetur sahati 12.
Ja kush është plani që po përgatisim dhe do kthehet në ligj shumë shpejt. Si fillim do zgjasim fashën orare, por do rrisim ndëshkimet dhe për rastet e përsëritura do të shkojnë deri në burg. Më pas gjithmonë me shkallë dhe sipas dinamikës, do lejojmë automjetet private me fashë orare të zgjatur për kompanitë që kanë aktivitet ligjërisht të lejuar, por do rriten ndëshkimet.
LEXO EDHE: Shantazhi ndaj gjyqtarit në Strasburg/ Denar Biba i kujton Bashës marrëveshjen e 18 majit
Do autorizojmë hapjen e dyqaneve, ku do kërkohet me detyrim pajisja e maskave dhe doreza dhe rregulla strike, shkelja e të cilave do të mbyllje me mbyllje, konfiskim malli deri ne heqje lirie. Ka ndodhur gjithë këto javë që Polica e Shtetit të kap dhe të ndëshkojë me gjobë dhe mbyllje kafe, ku u ofrohet kafe dhe raki trimave”, tha Rama.