Prej disa ditësh opozita po kërkon të dijë me ngulm se kush është drejtuesi i Komitetit të Ekspertëve që drejton luftën kundër koronavirusit. Ministrja e Shëndetësisë, Ogerta Manastirliu e ka zbuluar për herë të parë se kush e drejton Komitetin e Ekspertëve në një intervistë të dhënë për emisionin “Fokus”.
Manastirliu tha se Komiteti i Ekspertëve drejtohet nga zv.ministrja e Shëndetësisë Mira Rakacolli.
“Komiteti i ekspertëve drejtohet nga zëvendësministrja e Shëndetësisë, profesoreshë Mira Rakacolli, dhe ka në përbërje ekspertë të ndryshëm të fushave të ndryshme. Nga ana tjetër ka edhe grupe teknikësh që asistojnë me përgatitjen e strategjive tona”, tha Manastirliu.
