Opozita e Bashkuar ka dorëzuar në Këshillin Politik të gjitha propozimet për reformën zgjedhore, duke këmbëngulur te krijimi i “qeverisë kujdestare” apo tranzitore që do të mundësojë, sipas tyre, kalimin e pushtetit falë zgjedhjeve të lira.
Burime nga Partia Demokratike bëjnë me dije se propozimet janë disa dhe nuk është e qartë, nëse do të ketë kohë për të arritur sonte një dakordësi.
Opozita i ka dorëzuar që mbrëmë propozimet për garancitë e votës në zgjedhje, duke e çuar deri në fund pjesën e angazhimit të saj me reformën zgjedhore, bëjnë me dije burime nga PD.
Mësohet se pjesë e këtyre propozimeve janë edhe qeveria kujdestare për zgjedhjet dhe roli i gjykatës kushtetuese. Diskutimi i tyre ende nuk ka nisur, por është e rëndësishme që të gjitha çështjet janë mbi tavolinën e bisedimeve.
