Një politikane pjesë e partisë kryesore turke pro-kurde, HDP u vra sot pasi një burrë i armatosur u fut në zyrat e selisë në Izmir dhe hapi zjarr.
“Një person i armatosur me një pushkë sulmoi zyrat tona në Izmir, ” tha partia në një deklaratë të postuar në Twitter. “Kolegia jonë Denise Poiraz u vra në sulm,” shton deklarata.
Zyra e guvernatorit të Izmirit tha se autori i veprës, “një punëtor shëndetësor i cili ishte pushuar nga puna është arrestuar.
HDP akuzoi qeverinë dhe partinë në pushtet, Presidentin e AKP Rexhep Tajip Erdogan, të jenë “nxitësit e këtij sulmi të egër” për shkak të retorikës së dhunës kundër partisë pro-kurde.
“Ata vranë vajzën time,” tha nëna e viktimës në një video të postuar në Tëitter nga HDP, e cila bëri thirrje për protesta kundër sulmit në Izmir dhe Stamboll.
