Nga Anri Bala
Opozitarët, ata që kanë rimarrë flamurin e opozitarizmës janë në delir dhe ne nuk na mbetet veçse t’i kërkojmë Zotit mëshirë, pa e ditur se çfarë u kemi bërë për ta merituar gjithë këtë! Mëshirë pasi “dasmorët”, pa e kuptuar se u ka rënë një hall i madh, po festojnë me trumpeta largimin e opozitarëve kundërshtarë, që bënin gjumin e të vdekurve, që i’u a prishi Marshalli ëndërr zi.
Madje për disa, nuk arrijë të kuptoj pse… ai që më shumë se kushdo ka dhe duhet të ketë frikë rikthimin e Marshallit Berisha, është pikërisht Edi Rama! Ky është një deduksion i nxjerr së fundi nga saliarët si Ed Paloka.
Ed Paloka natyrisht, si specialist ideologjik i foltores së grupit antiamerikan deri në “largimin” e Blinken dhe forcimin e Berishës, ka shprehur në rrjetet sociale opinionin e tij për të ardhmen e Sali Berishës. Në fakt e vërteta është krejt ndryshe, nëse do flasim me këmbë në tokë dhe jo përpjetë… rikthimi i Sali Berishës në krye të PD-së është një aset i madh për Edi Ramën.
Me kthimin e Berishës në krye të PD-së, kjo forcë politike mund të kthehet në mitrën që e ka lindur… protestat e dhunshme të tipit Sali, por që në molotovin e parë, gjë që është e pamundur të mos përdoret nga saliarët, do shpallet me siguri organizatë terroriste nga SHBA, si ç’ka ndodhur në botë me çdo organizatë politike që drejtohet nga një person “non grata”, e që kërkon marrjen e pushtetit legjitim me revolucion, apo protesta revolucionare.
Elektorati gri i pandikueshëm nga partitë, do rreshtohet totalisht në krahun e kundërt, duke qenë i bindur, se Sali Berisha nuk mund të jetë kurrë e ardhmja e vendit. Edhe ata që nuk e duan qeverisjen e Ramës, nuk do të votojnë PD-në e drejtuar nga e kaluara e errët, sepse nga krahu tjetër urrejnë Sali Berishën për dëmet që i ka bërë vendit, kurse turma e klaneve krahinore kanunore është thjesht një turmë… që nuk përbën asnjë rrezik për pushtetin.
Sali Berisha mund te jetë më shpresëdhënës për shpresëhumburit e Lulit nga brenda PD-së, por është mjaft i konsumuar dhe i urryer nga elektorati. Ndërsa magjitë e marrjes së pushtetit në votëbesimin e vitit 2025, nga një politikan që e ka grabitur dhe masakruar pushtetin, janë mjeti i vetëm… për ëndrrimtarët.
Nëse PD po kërkon rikthimin e Berishës për të larë duart me Berishën, me anë të ndryshimeve të statutit të Kuvendit të 11 Dhjetorit, që detyron kreun e partisë në rast se humb zgjedhjet e përgjithshme të largohet, të “legjitimuar” sot nga gjykata deri sa të flas Apeli, që nuk mblidhet para zgjedhjeve të 2025 se ka ngelur me 3 gjyqtarë, atëherë opozitarizmi është në pikë të hallit.
Mjafton të lexojmë zgjedhjet e fundit lokale, ku PD e Lulit, Foltorja e Berishës dhe LSI e Metës, sëbashku nuk mblodhën as 40% të votave dhe Rama i vetëm mori 60% me “lojtar stoli”, duke na bindur se me këtë racë mbetjesh në politikën shqiptare, atyre që e kanë kapur prej 10 vitesh, as që e mendojnë se mund të ndrrojnë kostum me ta.
Ndaj palokët, saliarët dhe qyqarët duhet të kuptojnë, se kthimi i Sali Berishës në krye të PD e dërgon këtë parti në varreza, ku rojtari i vetëm për të vendosur “epitafin” mbi varre do jetë SHBA. Lutuni mos të ndodh, sepse jo se është ndonjë gjëmë e madhe vdekja e një partie demokomunistësh… por humb demokracia kur vdes një opozitë, pavarësisht identitetit. /Ekskluzive.al
