Ilir Meta në një dalje publike i është përgjigjur deklaratave të ministrit të jashtëm grek, Niko Dendias për çështjen e detit.
“Në datë 23 maj, javën e kaluar, ministri grek ka vizituar Shqipërinë, duke u takuar me ministren e jashtme dhe kryeministrin. Nga pala greke nuk është kërkuar asnjë takim i ministrit Dendias me Presidentin. Ministri Dendias ndër të tjera është shprehur se u ra dakord që t’ia referojmë çështjen tonë gjykatës në Hagë.
Kjo nuk ka ndodhur, tha Ministri Dendias, pasi Presidenti nuk i ka dhënë autorizimin përkatës. Kjo do ndodhë pas 2-3 muajsh kur të zgjidhet Presidenti i ri.
Dua të sqaroj se Ministri i Jashtëm, zoti Bushati, përmes kërkesës, 13 shkurt 2018, paraqiti kërkesën për krijimin e grupit negociator. Pas paraqitjes së informacionit shtesë nga ministri i jashtëm, Presidenti përmes aktit.
Autorizoi ministrin e jashtëm që sipas kritereve, të lëshojë plotfuqinë për projektmarrëveshjen. Saktësimin e vijës delimituese. Delimitimin e shefit kontinental. Grupi negociator i Shqipërisë, është pajisur me autorizim, për të arritur një marrëveshje për përkufizimin e zonave detare. Përpos detyrave të tjera, vetëm grupi negociator është autoriteti i vetëm.
Por i menjëhershëm ka qenë reagimi i shitësit të Trojeve shqiptare Sali Berisha i cil komentoi nga Foltorja e parlamentit deklaratat e ministrit të Jashtëm grek Niko Dendias, i cili tha pak ditë më parë se është Presidenti Ilir Meta ai i cili nuk ka dhënë autorizimin për nisjen e negociatave me Greqinë për çështjen e detit.
Berisha tha se kjo deklaratë është rrjedhojë e informacioneve që Dendias ka marrë nga kryeministri Rama në një kohë kur nuk është bërë asnjë kërkesë në Presidencën shqiptare më lidhje me marrjen e autorizimit.
Berisha theksoi se dënon me forcë këtë padi që kryeministri shqiptar i ngre Presidentit të Republikës në një ministri të huaj.
Berisha: Këto ditë u publikua intervista e ministrit të jashtëm të Greqisë në të cilin Nikos Dendias informon kombin e tij por gjithë botën se Rama a paditur tek ai Presidentin e Republikës. Unë do u lutesha qytetarëve shqiptarë ta arsyetojnë vetë këtë akt. Unë nuk e kam shumë të vështirë të vë shumë epitete, por po sqaroj qytetarët që Presidenti që duhet të japë autorizimin për fillimin e negociatave për gjyqin në Hagë për çështjen e detit.
Edi Rama nuk i ka dërguar deri më sot asnjë kërkesë Presidentit për autorizimin. Një kryeministër që padit presidentin e vet, kur nuk i ka dërguar kërkesë, gjykojeni vetë çfarë mund të jetë.
Niko Dendias i ka përmend disa herë disa lidhje e errëta në Korfuz. Unë nuk i di ato.
Paditja e presidentit përbën një akt që e denoncoj me forcën më të madhe. A mund të ecet me një njeri i cili fut thika mashtron paskrupull. Nëse presidenti i republikës nuk do të firmoste, ai duhet të njoftonte popullin shqiptar, nuk duhet të ankohej te ministri i Greqisë.
