Legjenda e Rangers dhe ish-portieri i Manchester United, Andy Goram është diagnostikuar me kancer të fazës së fundit.
58-vjeçarit i kanë thënë se ka edhe 6 muaj jetë, ndërsa mësohet se ka refuzuar kimioterapinë, që sipas mjekëve do t’i zgjaste jetën edhe 12 javë të tjera.
“Aty ranë këmbanat e alarmit. Bomba me sahat po bën tik
“Do luftoj, ashtu siç nuk kam luftuar kurrë”- tha Goran, i cili është diagnostikuar me kancer të ezofagut të fazës së katërt.
Në një intervistë për Daily Rekord, ai u shpreh: “Mendova se kisha dispepsi. Më dukej sikur më ishte bllokuar fyti. Por pas disa javësh, gjendja ime u përkeqësua dhe s’po më kalonte. Gjithçka që konsumoja apo pija s’më kalonte në stomak. Për 2 javë nuk mund të takohesha me mjekun tim ballë për ballë, periudhë gjatë së cilës isha në agoni totale. Unë humba 25 kg në vetëm katër javë.”
Më pas rrëfeu: “Bëra skaner në Monklands dhe më pas më dërguan me urgjencë në spitalin Wishaw General. Pikërisht aty ranë këmbanat e alarmit. Kuptova se kisha kancer. Kirurgu më shpjegoi se kanceri ishte i paoperueshëm. Nëse nuk bëj kimioterapinë, kam mesatarisht 6 muaj jetë.
Të bësh kimioterapi dhe të jesh në agoni për 3 muaj jetë shtesë, me zero cilësi jetese? Jo faleminderit! Kimioterapia nuk është në opsionet e mia. Mjekët më vendosën një stent në ezofag për të ndaluar bllokimin nga kanceri dhe për të më ndihmuar që të ushqehesha sërish. Operacioni doli me sukses por dhimbja është ende e padurueshme.”
Goram tani kërkon që ditët e tij të fundit të jetës të jenë sa më të durueshme.
“Duhet të ilaçet t’i konsumoj rregullisht ndryshe jam në telashe të mëdha. Dhimbja është e menaxhueshme. Do të jem këtu për aq kohë sa mundem, do luftoj ashtu siç nuk kam luftuar kurrë më parë. Ndryshimi i vetëm është se bomba me sahat po bën tik tak.’
