Në tre burgjet e sigurisë së Lartë në Shqipëri, burgun e Korçës, burgun e Burrelit dhe atë të Peqinit, por edhe në paraburgimin 313 në Tiranë apo në burgun e Fushë Krujës, informacionet janë se vajza të showbizit në Shqipëri, eskorta nga Kosova, e madje Venezuela dhe deri Bolivia, kanë hyrë për takime speciale me të dënuar me burg përjetë.
Rasti i burgut të Drenovës ështe e turpshme të trajtohet si shkelje administrative dhe shoqërim me masa disiplinore . Ky rast dhe dhjetëra raste të tjera në instuticionet e e heqjes së lirisë janë një nga veprat më të rënda penale, që mund të kryej një drejtues apo një oficer i IPVD. Të hapësh bordello brënda instuticionit shtetëror është jo vetëm vepër penale, por vepër kriminale.
Si shtet i “moralshëm” që jemi, të udhëhequr nga një parlament heterogjenësh, që ligjin e prostitucionit e kanë forcuar aq shumë, sa që “allatet” e atyre femrave që duan t’i përdorin në profesionin më të vjetër në botë “tmerrohen”, kur shikojnë luftën e madhe të “maralitetit” nga policia shqiptare, por… tronditesh kur dëgjon se paska bordello të licensuar vetëm për krimin dhe kriminelët.
Madje me femra të zgjedhura, që ndoshta pazari për 1 orë varion nga 5-10 mijë euro.
Sigurisht që takimet speciale janë normale, por me gra të ligjëruara , bashkëshortet të celebruara apo bashkëjetuese që vërtetojnë ligjërisht lidhjet me të burgosurin.
Situata e futjes së femrave eskortë në burgje është kthyer në modë. Ku shpesh herë ato hyjnë duke u maskuar në letra si bashkëshorte të të dënuarve ose kushërira të tyre.
Ndërsa futja për takim special të një modeleje shtetase e një vendi tjetër, për takim me një të dënuar dhe përfundimi i takimit në krevat me një tjetër, quhet prostitucion i pastër pa asnjë dyshim, edhe kur prostuticioni është vepër e rëndë penale në Shqipëri. Por siç duket ky qeveritari i Ramës që po drejtonë drejtësinë me bëma dhe gjëma, Manja, na paska hapur bordello të licensuara për bosët e krimit me “dëshirën e mirë”… për të mos i privuar kriminelët nga qejfi.
Të shesësh trupin në shkelje të ligjit nuk është asgjë për shqërinë, para krijimit të shtetit të kurvërisë kriminale brënda njërit nga instuticionet më të rëndësishme të rehabilitimit, ndaj nëse kalohet kaq lehtë, do ishte një turp dhe një skandal tjetër i pa dëgjuar i bashkëpunimit shtet-krim ose si krimi shkërdhen shtetin. /Ekskluzive.al
