Nga Martin Leka
Sot, në ditën kur Haga dha vendimin ndaj katër prej figurave kryesore të Ushtrisë Çlirimtare të Kosovës, Kosova përjeton një nga ditët më të rënda të saj politike dhe emocionale.
81 vite burg për katër prej drejtuesve të UÇK-së. Vendimi i shkallës së parë i shpalli fajtorë për disa krime lufte, ndërsa i shpalli të pafajshëm për akuzat për krime kundër njerëzimit.
Dhe ndërsa në Kosovë qytetarët e kanë përjetuar rëndë e me dhimbje këtë vendim, një pyetje mbetet e pashmangshme: çfarë mesazhi duhet të japë sot udhëheqja politike e Kosovës?
Për Kosovën kjo ditë nuk mund të jetë thjesht një aktgjykim juridik.
Është edhe një moment politik, historik dhe kombëtar, ku nuk duhet heshtje politike, nuk duhet kalkulim, nuk duhet kujdes elektoral dhe nuk ka nevojë për kujtesë selektive.
Albin Kurti vetëm pas tre orësh ju drejtua popullit tè Kosoves, ndërkohë që nuk kishte mbetur njeri politik në hapësirën shqiptare pa thënë fjalën e vet.
Edhe kur foli, ai nuk tha asgjë se cdo të bëhet me një gjykatë që flet e merr vendime në emër të popullit të Kosovës, të popullit të Albinit që ka mbushur sheshet e Kosovës kundër këtij vendimi.
Albin Kurti ka qenë për vite një kundërshtar politik i shumë prej figurave që sot ndodhen në Hagë. Kjo është pjesë e historisë politike të Kosovës.
Sepse kur historia vihet në diskutim, institucionet e Kosovës nuk mund të komunikojnë sikur po zhvillohet një ditë e zakonshme politike.
As fakti që vendimi do të apelohet, nuk mund të bëjë asnjë shqiptar të presë.
Ajo që nuk mund të apelohet është historia. E Ushtrisë Çlirimtare të Kosovës. E Popullit të Kosovës,
Zhvillimet politike në Kosovë tregojnë se sa i rëndësishëm është pushteti për Albin Kurtin
Ndaj “urime” Albin (edhe Vjosa). Sipas Hagës, edhe 25 vjet, kundërshtarin nuk e ke përballë!