Nga Mentor Kikia
Ja si na zhvasin paratë me vendim ministrie
Pa asnjë njoftim paraprak, prej tre muajsh në Shqipëri, ka nisur të aplikohet në formën e Partneritetit Publik Privat, një tjetër shërbim. Kontrolli fizik i automjeteve, një shërbim rutinë që kryehej nga Drejtoria e Transportit Rrugor kundrejt një pagese modeste, i është transferuar një kompanie private me çmim 13 herë më të lartë.
Nuk do të kemi luftë Rama-Meta. Edhe (zv)Ministri i ri i Brendshëm shkoi në zyrë. Ti urojmë shumë suksese.
Tani, mund të merremi pak me ata që na marrin paratë me dhunë?
Ja si na detyron Ministria Infrastrukturës(Transporteve) që për një shërbim ordiner(me gjithë kuptimin e fjalës) të paguajmë 100 USD.
E quaj ordiner, sepse kjo ministri ka licensuar një biznes privat, për të bërë verifikimin e ndryshimeve konstruktore në automjete, që i bëjnë oficinat e licensuara po nga kjo ministri si:
-ndryshim të fuqisë motorrike
-ndryshim të lëndës djegëse(psh, vendosje impiantit të gazit)
-ndryshim ngjyre(edhe kur thjeshtë e lyen me bojë tjetër)
-ndryshim timoni(kur e blen në Angli)
Pasi ia bën shërbimet makinës në oficinë, tek kjo kompani private shkon dhe e konfirmon edhe se makina, nga e verdhë është bërë blu, edhe se ia ke ndërruar krahun e timonit. Kaq bëjnë këta, verifikojnë që procesi është kryer. Dhe, edhe për këtë do të paguash 100 USD.
Përse duhej që ky shërbim që, deri para 3 muajve kryehej nga Drejtoria e Shërbimit të Transporteve, ti kalohej privatit që e vë çmin sa ti dojë qejfi? Çfarë bën më shumë dhe më mirë ky privati(në shërbim të qytetarëve) që ta paguajmë 15 herë më shtrenjtë nga sa paguanim tek shteti? Përse, edhe aty ku shteti mund të luajë rolin amortizuesit të problemeve ekonomike të shoqërisë, na dorëzon në “gojë të ujkut”?
Këtë përgjigje kërkojmë nga Ministria. Ndaj dhe në emër të denoncimit të kësaj zhvatjeje, ju ftoj sërish ta shpërndani këtë postim, si një formë protestë. E di që mund të thoni se nuk pyet njeri. Por të paktën të mos e pranojmë në heshtje!
