Partia Demokratike mesa duket, ka vendosur më në fund të zgjohet nga gjumi letargjik.
Krahas organizimit të protestave, Partia Demokratike ka ndezur motorët edhe për zgjedhjet lokale.
Këshilli i Kombëtar i PD i delegoi organeve të reja drejtuese, kryesisë si dhe sekretariatit organizativ organizimin e protestave.
Sipas Partisë Demokratike, objektivi është krijimi i një qeverie tranzitore për të zhvilluar zgjedhje të lira dhe të ndershme.
Në zbatim të vendimi të këshillit kombëtar kryesia caktoi datën dhe strategjinë e protestave.
Po ashtu, bashkë me protestat, partia demokratike ka filluar përgatitet dhe për zgjedhjet.
Në një udhëzim të shpërndarë për deputetët dhe anëtarët e kryesisë nga kryetari Lulzim Basha dhe Sekretari i Përgjithshëm Gazmend Bardhi, kërkohet fillimi i punës për ngritjen e shtabeve elektorale në çdo degë lokale.
Sipas udhëzimit, duhet të nisë puna për identifikimin e personave që do të jenë në shtabet elektorale në zbatim të vendimit të kryesisë.
Po në të njëjtën linjë me këtë udhëzim është dhe vendimi i kryesisë për identifikimin dhe thirrjen e të gjithë atyre personave që kanë kontribuuar për partinë demokratike nga viti 1991 qofshin ato ish-deputetë apo ish-kryetarë bashkish.
Gjithashtu kërkohet që të merren masa për takime të kryetarit të partisë demokratike Lulzim Basha në rrethe si përgjegjësi kryesor për të organizuar të gjitha strukturat e partisë.
