Pyetje drejtuar shqiptarëve, lidhur me cmenduritë dhe palçollëqet e politikës së degraduar
Në Tiranë, janë vendosur dy vepra arti, njëra për Ismail Qemalin, Themeluesin e Shtetit të Parë Shqiptar, me ngritjen e Flamurit e Pavarësië më 28 nëntor 1912 në Vlorë, ndërsa tjetra, për Ahmet Zogollin, Ish-Mbret i vetë-shpallur, nga 1 shtatori 1928, deri mesnatën datës 7 prill 1939, kur u arratis nga Shqipëria, pas nisjes së sulmit të pushtimit fashist.
Shtatorja e Ismailit Qemalit është 3 metër e lartë, vendosur mbi një bazament me lartësi 15 centimetër nga toka, shtruar me beton zhavorr lumi, futur në shkurret e lulishtes para Kryesisë së Kuvendit.
Ndërsa, monumenti i Ahmet Zogollit është 6.2 metër i lartë, bashkë me bazamentin prej mermeri 1.9 metër lartësi nga toka, vendosur në bulevardin qendror të Tiranës, që Shteti Shqiptar i ka vënë emrin e tij “Bulevardi Zogu i I”, duke i marrë gjysmën, Bulevardit “Dëshmorët e Kombit”.
Nisur prej diferencimit shtetëror, të masës dhe vend-vendosjes së statujave të Ismail Qemalit e Ahmet Zogollit, po bëjmë dy pyetje, që mendojmë se vlen të diskutohen e të jenë objekt vlerësimi me opinione, nga lexuesit:
Cili nga këta të dy, mendoni se është “Babai i Pavarësisë” dhe Themelues i Shtetit të Parë Shqiptar, ky me shtatore 3 metër të lartë me gjithë bazamentin e betonit, i futur mes shkurreve, apo ky me monument të lartë mbi piedestal mermeri afro 2 metër të lartë, në bulevardin kryesor?
Cili, duhet vlerësuar nga Shteti Shqiptar, Ismail Qemali që përdori floririn e tij, për ngritjen e Shtetit kur erdhi në Shqipëri dhe ngriti Flamurin e Pavarësisë, apo Ahmet Zogolli, që vodhi floririn e Shtetit, kur uli Flamurin e Pavarësisë dhe ia mbathi nga Shqipëria?/Pamfleti
