Këshilltari i Lulzim Bashës, Neritan Sejamini (të cilin Berisha e quante mizerabël në një intervistë), ka sulmuar SHBA, BE, OSBE dhe Britaninë e Madhe, të cilat reaguan për protestën e opozitën, duke kërkuar që të shmanget dhuna.
“Është qesharake të shikosh nivelin e turpshëm ku kanë përfunduar ambasadorët perëndimorë në Tiranë: bëjnë thirrje për mbrojtjen e pronës publike, pra të kërpudhës, dhe jo për mbrojtjen e lirisë, të drejtave të njeriut, demokracisë; flasin për rrezikun që i vjen vendit nga prishja e kërpudhës, ndërkohë që heshtin prej vitesh, pa belbëzuar qoftë edhe një fjalë, për rrezikun që i vjen Shqipërisë, po edhe vendeve të tyre, nga kapja e shtetit prej krimit dhe korrupsionit marramendës.
Shqiptarët nuk duhet t’i marrin ata seriozisht, sikurse, për të keqen e tyre, morën seriozisht dy manipulatorët e vegjël Vlahutin dhe Lu.
Shqiptarët duhet të marrin seriozisht veten e tyre, lirinë dhe dinjitetin e tyre, dhe të drejtën për të vendosur vetë se çfarë qeverie duan”, shkruan “mizerabeli” Sejamini në reagimin e tij.
