Të paktën për 5 orë me radhë kanë bërë qëndresë protestuesit dhe opozita gjatë ditës së sotme përballë kryeministrisë.
Një pjesë e protestuesve sulmuan derën dhe hyrjen e Kryeministrisë, pavarësisht kundërpërgjigjes së Policisë me gaz lotsjellës.
Pas përfundimit të protestës së Opozitës së Bashkuar, policia ngriti një grup hetimor që po merret me identifikimin e personave që kryen akte të dhunshme gjatë protestës, duke dhunuar pronën publike.
Deri më tani raportohet për 20 persona të shoqëruar.
Mes të arrestuarve për protestën e dhunshme të opozitës sot para Kryeministrisë mësohet se është edhe i ashtuquajturi “Ujku i Cërrikut”.
Saimir Servet Rexhepi, 42 vjeç është prangosur nga komisariati i policisë së Cërrikut për llogari të policisë së Tiranës.
Sipas policisë, “Ujku i Cërrikut” ka qenë mes grupit të protestuesve të dhunshëm që çau kordonin e policisë dhe sulmoi ndërtesën qeveritare, ku u shkatërruan edhe dy vepra artistike.
Mësohet se “Ujku i Cërrikut” është dërguar mbrëmjen e sotme në ambientet e Drejtorisë së Policisë të Tiranës
