Kryeministri Rama ka reaguar pas fjalës së deputetes demokrate Rudina Hajdari, në foltoren e Kuvendit, pasi kjo e fundit e akuzoi se gjen si alibi opozitën jashtë parlamentit për dështimet e qeverisë.
Rama tha se Hajdari e ka cituar gabim, por, sërish nuk e ka kursyer ironinë ndaj Lulzim Bashës e Monika Kryemadhit.
“Po të përgjigjem zonja Hajdari se e kam bezdi kur më citojnë gabim. Unë thashë vetëm se Partia demokratike rrugore dhe levizja socialiste për fall duartroket një vendim kundër shqiptarëve. Unë shpejgova vetëm pse vendimi është politik”-tha Rama.
Më tej, ai u shpreh se nuk mund të pranojë që një grup deputetësh, ta etiketojnë Shqipërinë si “delja e zezë” e Europës.
“Nuk mund të pajtohemi me një grup deputetësh që thonë se shqiptarët janë rrezik për Europën dhe thonë krimi etnik shqiptar. Si mund të pranojmë që shqiptarët të bëhen “dele e zezë”-tha ndër të tjera Rama.
