Kryeministri Edi Rama i ftuar në emisionin Real Story thotë se nuk është penuar aspak për shembjen e Teatrit Kombëtar më datë 17 maj. Rama tha se godina e Teatrit Kombëtar duhej shembur shumë vite më parë.
“Unë s’kam ndryshuar asnjë mendim. Ai që u shemb nuk mund dhe nuk duhej ruajtur. Ai duhej shembur shumë e shumë vite më parë. Kam me vete një kronologji fantastike që nuk e njeh askush sepse fatkeqësisht flasin për histori dhe kulturë dhe nuk e dinë historinë e asaj godine. Si ka rrjedhur qysh prej vitit 1941 kur është bërë ekspertiza e parë, ku shkruahet ‘nevojiten riparime urgjente për tarracën dhe tavanet.’ E deri vonë”, tha Rama.