Agron Gjekmarkaj tha sot se ka një keqkuptim në interpretimin publik që i bëhet qasjes së PD-së ndaj SPAK-ut. Ndërsa theksoi se selia blu e ka mbështetur drejtësinë në shumë çështje, shtoi se në vende të hapura ka edhe objeksione dhe kundërshti për çështje të caktuara, pasi vetëm në diktatura nuk lejohet mendimi i lirë.
“Ka një keqkuptim për qasjen e PD-së ndaj SPAK-ut. PD i njeh format shtetërore, vendimet e gjykatave në çdo kohë. Ne i kemi njohur dhe zbatuar këto vendime, sado që ka pasur edhe raste që i kemi kundërshtuar.
Komentohen vendimet e gjykatave dhe jepen objeksionet në çdo kohë, sepse nuk jemi në diktaturë. Ka njerëz në SPAK që e nderojnë punën e tyre dhe institucionin, por ka të tjerë që marrin vendime politike.
Ne kemi pasur objeksione për çështje të caktuara ndaj SPAK ashtu sikurse kemi dhënë mbështetje ndaj tyre po për çështje të caktuara”.
“Që nesër duhet të krijohet një qeveri teknike, e kemi thënë që nuk mund të ketë zgjedhje të ndershme në Shqipëri dhe ashtu rezultoi.
Rasti Balluku është shumë i rëndë, i paprecedentë, por edhe më parë ka pasur raste të tjera që vërtetonin kërkesat e opozitës për qeveri teknike, Balluku është vetëm një bizhu më shumë në këtë qeveri me skandale. Çdo gjë në këtë qeveri duket sikur është në Big Brother dhe vëzhgohet që nga lart, në të gjitha fushat”, u shpreh ai duke harruar se rasti Berisha është nga më të rendët në histori, që nga vjedhja , grabitja deri te vrasjet dhe ekzekutim dëshmitarësh dhe qytetarësh në rrugë. Por pasiviteti i paskrupullt i “dumanëve” lejojnë një kriminel i sanksionoar edhe nga SHBA dhe Anglia të përzije llum kudo ku lejohet dhe nuk ndalohet si i pandehur që është.
