Ambasadori i OSBE-së në vendin tonë Bernd Borchardt deklaroi se pavarësisht djegies së mandateve nga opozita Parlamenti është legjitim.
Gjatë aktivitetit për nënshkrimin e marrëveshjes mes prezencës së OSBE, KQZ dhe Prokurorisë së Përgjithshme, kreu i prezencës së OSBE i bëri thirrje kandidatëve në listat pasuese të PD dhe LSI që të zënë vendet bosh të lëna në Kuvend nga djegia e mandateve.
Gjithashtu ai ka bërë thirrje që palët politike të bëjnë përpjekje dhe ti japin fund fenomenit të shit-blerjes së votave dhe të dialogojnë për reformën zgjedhore.
“Reforma zgjedhore kërkon 84 vota. Nuk e di nëse ata që janë futur në parlament janë në favor të reformës, por votimi i tyre është i ligjshëm nga pikëpamja juridike. OSBE rekomandon dialog për reformën zgjedhore.
Akuzat politike për integritetin e shtetit minojnë besimin e publikut, nxis pjesëmarrësit të fokusohen në dekriminalizimin e kandidatëve në zgjedhje.
Siç theksohet në raportin e fundit të ODIHR, autoritetet duhet t’i japin përgjigje akuzave për shitblerje votash pasi është vënë në rrezik besimi i publikut.
Jemi shumë pranë zgjedhjeve të qershorit, por Shqipëria po kalon një moment kritik. Për fat të keq ndryshimet e kërkuara dhe reforma zgjedhore nuk është votuar, ka ngecur në Kuvend”,– tha Borchardt.
