Ambasadori i Shteteve të Bashkuara Donald Lu i ka dhë një tjetër shuplakë opozitës , duke përgëzuar qeverinë shqiptare dhe më konkretisht Policinë e shtetit për superaksioni, ku u sekuestruan 614 kilogramë kokainë në Durrës.
“Ambasada e Shteteve të Bashkuara dhe Administrata Anti-Drogë e Shteteve të Bashkuara (DEA) përgëzojnë Policinë Shqiptare të Shtetit për kapjen e 614 kilogramë kokainë kolumbiane dje në Durrës. Kjo është sasia më e madhe e kokainës apo heroinës që është kapur prej vitesh. Është një tregues pozitiv i vigjilencës së policisë, por edhe një shenjë shqetësuese se trafikimi i kokainës dhe drogave të tjera është në rritje. Shtetet e Bashkuara do të vazhdojnë të ndihmojnë dhe mbështesin përpjekjet në zbatimin e ligjit për të parandaluar trafikimin e drogave në Shqipëri dhe për të arrestuar personat përgjegjës”, shkruhet në deklaratën e Ambasadës.
Kontenieri me 613 kg kokainë që u bllokua mbrëmjen e djeshme nga policia, ishte nisur nga Kolumbia për në Shqipëri për llogari të firmës Arbri-Garden” që gjendet në Maminas të Durrësit.
Firma në fjalë kishte porositur banane, por në fakt ato ishin vetëm një kamuflim që në dyshemenë e kontenierit të fshiheshin 528 pako me 613 kg kokainë me një blerë tregu 180 milionë euro.
