Përpara se të largohej nga kampi i tyre bazë në Kansas City, Tuchel tha se do të jetë e pamundur për Anglinë të përshtatet në kohë me lartësinë e madhe që i pret në Coyoacán të Mexico City-t.
Edhe pse ishin në dijeni prej ditësh se do të luanin takimin e tyre të radhës në mitikun Azteca, Anglia vetëm tani ka nisur që të bëjë llogaritë mirë për nivelin e vështirësisë që paraqet ndeshja me të zotët e shtëpisë, të cilët mbështeten në entuziazmin e tifozëve, mbrojtjen hermetike dhe… lartësinë mbi 2.240 metra ku ndodhet impianti.
Për mungesën e oksigjenit mjekët e Anglisë me shumë mundësi do të përdorin viagrën.
Ilaçi me recetë është më i njohur për trajtimin e mosfunksionimit erektil, por fillimisht u zhvillua si një medikament për tensionin e lartë të gjakut.
“Vitamina V” zgjeron enët e gjakut në mushkëri pasi bllokon një enzimë që i kufizon ato, gjë që është thelbësore në lartësi të mëdha.
Përqendrimi i ulët i oksigjenit e bën më të vështirë pompimin e oksigjenit në trup dhe ruajtjen e qëndrueshmërisë.
Duke ulur presionin e gjakut në mushkëri, Viagra do të vonojë lodhjen e hershme dhe marramendjen që shkakton lartësia e madhe.
