Gazetari Artan Hoxha shkruan se me ekzekutimin e Behar Sofias mëngjesin e sotëm, është humbur mundësia për zbardhjen e vrasjes së katër efektivëve të policisë në datën 7 gusht 2009 në Durrës, në një operacion për kapjen e Dritan Dajtit.
Ai ka publikuar foton e një mjeti tip ‘Mercedes-Benz’, për të cilin shkruan se nuk u ndalua kurrë pas masakrës së 7 gushtit dhe nuk u pa më kurrë.
Sipas Hoxhës, viktima Behar Sofia mund të ndihmonte në zbardhjen me detaje e prova implikimin e përfshirjes së kupolës së Policisë së Shtetit me krimin e organizuar e narkotrafikun ndërkombëtar.
“Thjeshte nje episod nga arkiva…Me në fund Benzi me targa TR 1638 S, doli nga erresira…
Por per fat te keq, humbem mundesine e fundit për te zbardhur te verteten e ekzekutimit te 4 Dëshmorëve të Atdheut, Fatos Xhani, Kastriot Feska, Saimir Duçkollari e Altin Dizdari, pjestare te skuadres operacionale te Policise se Shtetit.
Deshmitari kyç i masakres se 7 gushtit 2009, njeriu qe mund te zbardhte me detaje dhe prova, deri ku kreret e kupoles se Policise se Shtetit ishin implikuar me krimin e organizuar dhe narkotrafikun nderkombetar, nuk jeton me…
Atentati i sotem, me gjakftohtesi kirurgjikale, në zonen me te mbrojtur te kryeqytetit, me shume sesa ekzekutimi i nje personazhi mjaft të rendesishem të botes se krimit gjate 30 viteve të postkomunizmit, eshte nje mesazh i qarte se askush dhe në asnje cep të Tiranes, nga Rolling Hills deri te Kodra e Diellit, nuk eshte i paprekshem….
Po huazoj batuten e atyre të “Rruges se Elbasanit”…
“Kush e ka rradhen”…
Në foto 1)-Benzi qe nuk u ndalua kurre nga policia dhe u zhduk pa gjurme pas masakres se 7 gushtit 2009 në Durres.
Në foto 2)-Skena e plote e masakres se 7 gushtit 2009 në nje foto të vetme.
Në të djathte Tuaregu i zi me deren e pasagjerit hapur, objektiv i operacionit top sekret, pas tij dy veturat Ford të skuadres operacionale.
Në toke trupat e Deshmoreve të Atdheut, qe nuk kane marre kurre drejtesi për ate qe ndodhi. Në të majte, Benzi me targa TR 1638 S, i viktimes se atentatit te sotem qe po dorezonte nje thes te rende me euro…
Per me teper sot në oren 19:00, drejtperdrejt në ABC NEWS.” – shkruan Hoxha në Facebook.
Skena e krimit të vrasjes së 4 policëve në 7 gusht 2009
Makina ‘Mercedes-Benz’ që sipas Hoxhës s’u ndalua nga policia pas masakrës e më pas u zhduk nga qarkullimi
