Babalja kishte kohë që po përgjonte, për të zbuluar datëlindjen e Lulit dhe pasi e zbuloi, duke futur si agjent Salianjin, i cili mban kalendarin e datëlindjeve të udhëheqësve të PD, qysh herët në mëngjes i nisi një mesazh Lulit, me këtë tekst: – O pasha i dashur, jetë të gjatë, deri sa të bëhesh kryeministër e të më punësosh mua shef të trafikut të anti-drogës.
Unë vazhdoj të jem në Kosovë, tek “baza” ku më dërgoi Muli me porosinë tënde, duke më kaluar si çoban nga mali i fshati të tij. Këta që po më mbajnë, qenkan serbë, por sa u përmenda emrin tend dhe të Mulit, kanë nisur të më trajtojnë shumë mirë, më kanë thënë se do më vi për vizitë Damir Fazlliç, a ta pranoj apo nuk është më me ne!
O shef, o pasha i madh, o figurë legjendare e kombit, sot për ty është data e lindjes, për PD është ngjarje historike, ndërsa për mua është dita më e lumtur, mbasi është hera e parë që uroj një figurë të nivelit tënd!
O figurë, t’i sot je 44 vjeç dhe duhet të bëhesh me krahë shqiponje e të fluturosh nga gëzimi, mbasi ti sot je aq vjeç, sa ka qenë komandanti ynë udhë-rrëfyes Sali Berisha, kur e thirri Ramiz Alia për të drejtuar PD.
O pasha, o figurë, qofsha burrë motre nuk po të gënjej, që sot jam shumë i lumtur. Por e kam një trishtim të vogël, mbasi datëlindjen e paske në një datë me partinë e drogës. Pasha, se desh harrova! Nëse të duhet ndonjë përgjim, më njofto nëpërmjet Salianjit, këtë herë do ta bëjë falas!
