SEATTLE – Belgjika është bërë kombëtarja e radhës që ka marrë biletën për në fazën çerekfinale të Kupës së Botës 2026. Për ta merituar këtë, djemtë e Rudi Garcias fituan 1-4 mëngjesin e kësaj të marte kundër vendasve të SHBA-së në fazën e 1/8-ave. Tanimë Belgjika gjen përballë Spanjën në ndeshjen që do të luhet më 10 korrik në orën 21:00.
Përballje nisi me dëshirën e Belgjikës për t’u hedhur në sulm. Goli i parë i ndeshjes nuk do të vononte pasi Charles De Ketelaere kaloi Belgjikën në epërsi pas nëntë minutave lojë. Një hutim në prapavijën e vendasve bëri që Raskin të pasonte bukur dhe De Ketelaere nuk gaboi me portën e boshatisur.
SHBA-ja u përgjigj në minutën e 31-të duke barazuar rezultatin me goditjen e dënimit nga Tillman, por topi pësoi një devijim deçiziv nga i sapofuturi në fushë për Belgjikën, Vanaken. Barazimi zgjati vetëm dy minuta pasi Belgjika shënoi sërish me De Ketelaere, kjo pas asistit të Trossard.
Në fraksionin e dytë Vanaken korrigjoi gabimin në golin e parë të SHBA-së duke gjetur golin e tretë për Belgjikën, kjo pas gafës së portierit të vendasve dhe asistit të De Ketelaere. Në fundin e ndeshjes, përkatësisht në shtesën e tretë duhej goli i Lukakut që sfida të ‘vulosej’ 1-4 për Belgjikën.
Kështu, ekipi i Rudi Garcias është mes tetë kombëtareve më të mira të kësaj Kupe Bote dhe në fazën çerekfinale do të përballet kundër Spanjës.
