Sali Berisha, teksa ka folur për herë të parë për të dashurën e djalit të tij, Arminën, e cila bën një jetë luksoze të cilën e reklamon në rrjetet sociale, e ka justifikuar atë.
Ai tha se ajo këtë mënyrë jetese e ka profesion, pasi reklamon veshjet dhe bizneset e të tjerëve.
“Dua të them një gjë. E shoh një ditë në një reviste që reklamonte një aksesor për 8 mijë euro.
Por ai kushtonte vetëm 87 euro.
Si bloggere ajo reklamon kundrejt pagesës.
Nuk janë të sajat, duhet kuptuar kjo.
Çfarë është e kushtueshme reklamohet në blogun e saj dhe kthehet.
A e pëlqej unë? Ajo është një blogere.
Unë nuk mund të them tani se nuk duhet të ketë Instagram.
Ajo reklamon rroba nga firmat për tu reklamuar. Mua më intereson e vërteta.
Nëse do të ishte një prezantim në ekzuberancë nuk do ta pëlqeja, por nëse bën reklamën dhe me këtë siguron të ardhurat mujore, kjo më duket mua shumë normale”, u shpreh Berisha.
