Pasi Edi paloka në një dalje për mediat ku tha se Edi Rama po mashtron shqiptarët me rastin e dorëheqjes së saimir tahirit nga mandati i deputetit ka ardhur edhe reagimi i parë nga PS. Ka qenë deputeti, nëherësh edhe kreu i Grupit Parlamentar të kësaj force politike, Taulant Balla i cili është shprehur se kjo opozitë është katandisur çdo ditë nën pikën më të zezë që shpërbëhet çdo ditë nën dritën e kontrastit të madh me ne!
Statusi i plotë Taulant Ballës në Facebook
Coli, Luli dhe lolot e tyre janë të pikëlluar nga dorëheqja e Saimir Tahirit! Shumë të pikëlluar!
Për dreq? koinçidoi edhe me kapjet e bujshme të kokave të trafikut të kokainës në Gjermani dhe Spanjë! Edhe më per dreq që Ministri i Brendshëm Fatmir Xhafaj i paralajmëroi këto kapje dhe nuk thonë dot tani që i kapi policia kolumbiane apo ekuadoriane?!
Hall i madh shumë i ka zenë edhe Colin edhe Lulin edhe lolot që tani dalin nëpër televizorë si personazhet e Kinostudios dhe tregojnë përralla me lojra e lidhje. Tamam pikë e zezë me këtë opozitë kashtë e k..e, që shpërbëhet çdo ditë nën dritën e kontrastit të madh me ne!
Ne nuk jemi as të përsosur, as të pagabueshëm, madje kemi njëqind e një probleme e defekte dhe kemi bërë e bëjmë edhe ne gabimet tona. Po ama, s’ka njeri me trurin në kokë e me zemrën në vend, që nuk e bën dallimin e madh mes nesh dhe këtyre colave e lolove që s’dinë as çfarë thonë as çfarë bëjnë.
Edhe dorëheqja e Saimir Tahirit është përveç të tjerash një provë e madhe e këtij dallimi!
