Në një vizitë në SHBA të Ilir Metës dhe bashkëshortes së tij, kur atyre nuk u ishte bërë akoma e qartë se ishin kandidat për non grata, çifti takoi lobistin më të madh amerikan Safi Kaskas.
Ka qenë vetë ky i fundit i cili ka bërë publike vizitën e Presidentit Meta atje, duke publikuar edhe dy foto, ku siç shihet presidenti ka qenë i shoqëruar dhe nga bashkëshortja Monika Kryemadhi.
“The Qur’an with References to the Bible”, (Kurani me referenca në Bibël), është libri i cili Kaskas ua prezantoi presidentit dhe kryetares së LSI.
Kaskas shkruan se zonja Kryemadhi e pëlqeu shumë librin, madje u zotua së do të bënte të mundur përkthimin e tij në shqip.
Ai thotë se gjithashtu ata e ftuan në Shqipëri për të festuar përkthimin e librit.
Dhe dita erdhi Kaskas bashkë me bashkëshorten kanë takuar presidentin në ikje.
Presidenca shpërndau këtë të martë një njoftim, sipas të cilit ishte përkthyer në shqip libri “Kuran – me referenca nga Bibla; Një kuptim bashkëkohor” me autorët amerikanë Safi Kaskasi dhe David Hungerford.
Përurimi i këtij libri mbërrin pak ditë pasi gazeta austriake, “Kronen Zeitung” publikoi një artikull ku e cilësonte Presidentit Ilir Meta si ‘thellësisht të korruptuar’ dhe ngrinte dyshime për burimet financiare të lobimeve në SHBA.
Cila është lidhja mes librit dhe autorëve të këtij libri me artikullin e gazetës austriake? Është e thjeshtë. Safi Kaskasi është një ndër lobuesit më të mëdhenj pranë Shtëpisë së Bardhë dhe Kongresit në SHBA.
Mbërritja e tij në Shqipëri në këtë periudhë ngre dyshime të qenësishme se nuk ka bërë mijëra kilometra vetëm për të përuruar përkthimin e një libri. Meta dhe Kryemadhi e kanë takuar, të paktën publikisht, në korrik të vitit të kaluar, gjatë një vizite private në SHBA.
As Presidenti dhe as kryetarja e LSI-së nuk e bënë publike këtë takim, por vetë Safi Kaskasi e publikoi në Facebook.
“Unë dhe gruaja ime u vizituam këtë mëngjes nga Presidenti i Shqipërisë, Shkëlqesia e Tij Ilir Meta dhe gruaja e tij Monika Kryemadhi. Ne u dhuruam atyre një kopje të librit tim Kur’ani me Referencat në Bibël. Zonja e Parë e Shqipërisë e donte librin dhe u angazhua për ta përkthyer atë në shqip me një grup studiuesish. Na ftuan që t’i vizitojmë ata në Shqipëri për të festuar përkthimin e librit në shqip”, shkruan Kaskas.
Kush është Safi Kaskas?
Sipas CV-së që gjendet në internet, Safi Kaskas është amerikano-libanez dhe lobist i njohur që operon në SHBA dhe Arabinë Saudite. Kaskas ka një veprimtari të pasur lobimi në Uashington dhe konsiderohet si një prej personave “më të dashur” atje.
Safi Kaskas e përshkruan veten si menaxher ekzekutiv dhe strateg politik me mbi 40 vjet përvojë me bazë të gjerë në planifikim, udhëheqje dhe etikën e biznesit, me një theks në menaxhimin strategjik në korporatat dhe botët akademike.
Ai është bashkëthemelues i Universitetit East West në Chicago, Illinois dhe u zgjodh si president i bordit të tij të drejtorëve nga 1979 në 2005. Vazhdon të shërbejë si anëtar i bordit të drejtorëve të Universitetit. Si themelues dhe president i Strategjisë së Menaxhimit të Edge Strategic, Kaskas ndihmoi shumë korporata të nivelit të mesëm dhe të madh në zgjerimin e portofolave të tyre falë edhe lobimit në Uashington.
Vizita e lobistit u paraqit si event për promovimin e një libri, por nuk ka asnjë dyshim që lidhet me rolin e zotit Kaskas si lobist. Meta është shqetësuar nga shkrimi i gazetës më të madhe austriake dhe nuk përjashtohet nisja e një historie tjetër të fshehtë lobimi, kur jo pak është folur se pas lënies së mandatit Ilir Meta do të shpallet ‘non grata’ nga SHBA.(VOX News)
