Sali Berishës pas protestave, po i bojkotojnë edhe takimet e diasporës. Në Napoli, doktori porositi stadiumin Vélodrome de Marcianise me kapacitet 2 mijë vendësh. Mirëpo nuk arrit me patriotët e Mulit dhe Xhelalit të mbushte asnjë shkallë, dhe ata pak dhjetëra emigrantë që u grumbulluan zbritën dhe u ulën në karrige të vendosura në fushën e blertë.
Doktori edhe këtë takim e konsideroi madhështor, ashtu si projektin e aleancës së tij, të cilin zbuloi se e hartoi në shtëpi, gjatë arrestit.
Emigrantëve në Itali, Berisha, duke mos zgjidhur dot hallin e vet, u premtoi se pas 11 majit do të shpallë non-grata edhe Sorosin dhe do u gjejë një Elon Musk shqiptar.
Vizitën në Itali, Berisha e mbylli me një kryetar komune në Napoli, të cilit i qau hallet e Shqipërisë. Një emigrant I dhuroi një shampanjë doktorit e një pale doreza boksi Flamur Nokës e Xhelal Mziut, për sezonin e ri në parlament.
