Këshilli i Lartë Gjyqësor ka vendosur të fusë në skaner gjyqtarin Egert Pëllumbi, i cili pak ditë më parë dënoi me 3.4 vite burg ish-ministrin e Brendshëm, Saimir Tahiri, duke e shpallur fajtor për veprën penale të “shpërdorimit të detyrës”.
Por pavarësisht se dha vendimin për arrestimin e ish-ministrit Tahiri, gjyqtari Pëllumbi do të vlerësohet për anën etike dhe profesionale. Kjo është bërë e ditur përmes një njoftimi të shpërndarë për mediat nga KLGJ.
“Shqyrtimi i projektvendimit për vlerësimin etik dhe profesional të gjyqtarit Engert Pëllumbi, për vitin 2019, gjatë ushtrimit të detyrës së ndihmës magjistratit në Gjykatën e Lartë”, thuhet në njoftim.
Megjithatë futja në skenar e gjyqtarit Egert Pëllumbi ka qenë e planifikuar më përpara nga Këshilli i Lartë Gjyqësor, për shkak të punës që ai ka pasur si ndihmës magjistrat në Gjykatën e Lartë, por fakti që ajo vjen në këtë moment është një koincidencë pasi ai pak ditë më parë ka dhënë verdiktin për ish-ministrin Saimir Tahiri, më të cilin ka pasur fërkime edhe më herët.
Vite më parë, Tahiri e kontestoi Pëllumbin lidhur me vendimin “detyrim paraqitje” për shtetasin H.Meçanaj. Ky i fundit vra shtetasin M.Lulaj, banor në Hambaraj. Ai u gjykua për veprën penale “vrasje nga pakujdesia”.
Në atë kohë, Prokuroria e Fierit kërkoi për Meçanajn masën “Arrest me burg”, ndërsa në 8 mars 2014, Pëllumbi nuk pranoi kërkesën e organit të akuzës, por vendosi “Detyrim paraqitjeje” për Meçanajn.
Ky vendim solli reagimin e ish-ministrit. Mirëpo kur Tahiri ishte ministër dhe Reforma në Drejtësi po kapte kulmin e saj, ish-ministri vendosi një listë të zezë, ku futej edhe emri i Pëllumbit.
Dhe sot, për ironi të fatit, në shkelje të ligjit dhe nga një gabim i rëndë i avokatit Haxhia, për konflikt interesi, i njëjti gjyqtar që do të duhet të ishte sipas Tahirit jashtë sistemit të drejtësisë, ka ngulur këmbët thellë në sistem, në një vendim që e çon Tahirin në burg dhe përshëndetet nga Ambasada Amerikane.
Kujtojmë që Pëllumbi çuditrisht e ka kaluar procesin e vetingut që i bënë edhe edhe vetingashët të dyshuar në afera kur zotëria kishte tre akuza nga ish ministri i drejtësisë së asaj kohe Nesip Naço.
