E themeluar nga UNESCO në vitin 1993, Dita Ndërkombëtare e Shtypit përfaqëson një mënyrë për të festuar dhe kërkuar lirinë e shtypit në mbarë botën.
Ashtu si çdo njeri që gëzon lirinë e fjalës, ashtu edhe shtypi duhet të jetë i lirë për të shprehur aktualitetin ashtu siç është realisht.
Themeluesit e ditës ndërkombëtare të shtypit si qëllim kryesor kanë pasur mbrojtjen e gazetarëve nga sulmet e ndryshme, po ashtu edhe për të pasur një ditë të shënuar ku t’ju bëhen homazhe gazetarëve të rënë në krye të detyrës.
Sot janë të shumtë ata që i bëjnë thirrje qeverisë t’a fuqizojë lirinë e shtypit, t’ju sigurojë mbrojtje të gjithë gazetarëve dhe bota e mediave të mos jetë nën tutelë, por të shprehë lirshëm aktualitetin dhe lirinë e mendimit.
3 Maj-i nuk është zgjedhur rastësisht si dita ndërkombëtare e shtypit, por është përvjetori i Deklaratës të Windhoek, një deklaratë në mbrojtje të lirisë së shtypit afrikan në 1991./BW
