Kryeministri Edi Rama ka njoftuar se Shqipëria po punon për të sjellë fabrikën e vaksinave në Shqipëri.
Rama përmes një lidhje live nga aeroporti Nënë Tereza, njoftoi se kanë mbërritur në Tiranë 192.000 dozat e para të vaksinës “Sinovac”, për të vazhduar menjëherë dhe pa u ndalur me vaksinimin masiv.
Ndër të tjera, Rama theksoi se është në bisedime për të sjell në Shqipëri fabrikën e prodhimit të kësaj vaksine.
“Dëshiroj të ndaj me ju një lajm shumë të mirë. Kemi nisur bisedat për të sjellë në Shqipëri fabrikën e prodhimit të vaksinave”, tha kryeministri Rama.
