Pas daljes nga “tepsia” e pushtetit, bashkuar për pazare me kapobandën e krimit politik-ekonomik Edi Rama, shefja e partisë LSI, Monika Kryemadhi, po mallkon miliardat ilegale e të pista, të përdorura në zgjedhjet parlamentare të 25 qershorit 2017, duke kërkuar zbardhjen e tyre dhe ndëshkimin ligjor.
Redaksia “PAMFLETI”, në vlerësim të drejtësisë që predikon e kërkon Monika Kryemadhi, po publikon të plotë, raportin investigues, për financat e shpenzuara nga LSI gjatë zgjedhjeve, ku rezulton, se ka fshehur miliardat e harxhuara në fushatën e luksit, duke pasqyruar vetëm “thërrime”, me të cilat, nuk mund të përballohet as një mbledhje fshati.
Pa bërë komente, po publikojmë fakte konkrete zyrtare nën hetim dhe nga anti-krimi ekonomik-financar, për skemën e fshehjes së shpenzimeve që ka bërë partia LSI, ku bie në sy “bamirësia” e biznesit dhe e popullit, për dhënie mjedisesh, mobiliesh, produktesh ushqimore e makinash pa pagesë, por edhe dhurime lekësh e shërbime të tjera materiale, por që sipas investigimit, rezulton se janë paguar miliona lekë.
Mos u çuditni, por për 286 zyra elektorale, që kanë ushtruar aktivitet për LSI, rezultojnë se janë shpenzuar 8 580 000 lekë për qira e tatime, 2 002 000 lekë ujë e energji elektrike dhe 5 720 000 lekë, pajisje zyre, reklama e materiale propagandistike.
Sipas të dhënave, mitingu përmbyllës në Tiranë, në deklarimet e LSI rezulton me kosto 3,516,121 lekë, ndërsa në fakt, ka kosto 42 milionë, 345 mijë e 700 lekë, por as për shpenzimin e deklaruar, zyra financiare e LSI, nuk ka pranuar të japë të dhëna të detajuara.
Çudia vazhdon, me mitingun e LSI në Durrës, që deklarohet me 2,490,109 lekë, mitingu në Berat me 1,761,750 lekë, mitingu në Fier me 2,488,030 lekë, ndërsa mitingu në Kavajë me 1,800,890 lekë, por realisht, kanë kushtuar nga 7-9 herë më tepër.
Sipas raportit, N/kryetari Luan Rama, Sekretari Indrit Braimllari dhe Shefja e Financës e LSI, Helena Gaçe, në ballafaqimin e datës 13.06.2017 në selinë partisë, nuk pranuan të dorëzojnë pasqyrat financiare bankare dhe donatorët e plotë të fushatës, madje nuk kanë pranuar, as me Shkresën e datës 17.06.2017.
Nga 292 zyra të tjera elektorale, të pa deklaruara nga LSI, por të evidentuara nga KQZ, rezulton se vetëm për 23 zyra kishte kontrata, 8 të paguara dhe 15, me akt dhurim përdorimi për 5 muaj, dhënë nga mbështetësit partiakë.
Për 42 mitingje, nuk ka fatura të dokumentuara shpenzimesh, për shërbimet qira, organizim eventi, regji televizive, ekran led, foni stage ndricimi, dekor, tribuna, karrige me qira, duke rezutuar pa asnjë lekë shpenzim.
Në shkelje të plotë të Ligjit nr. 10019, datë 29.12.2008 “Për regjistrim-deklarimin i fondeve private”, donacionet që i janë dhënë LSI-së për fushatën, jane arkëtuar ne 3 banka të ndryshme dhe në 9 llogari bankare të paligjshme, kur sipas ligjit, shpenzimet zgjedhore të partive, duhen arkëtuar e administruar vetëm në 1 bankë e vetëm në 1 numër llogarie.
Banka Kombëtare Tregtare: Llogaria Nr.14221850 all
Raiffeisen Bank: Llogaria Nr. 101401513 all
Credins Bank: Llogaria Nr. 00000750883 all
Credins Bank: Llogaria Nr. 00000105129 all
Credins Bank: Llogaria Nr.0000093088 euro
Credins Bank: Llogaria Nr. 00000926635 all
Credins Bank: Llogaria Nr.00000534213 all
Credins Bank: Llogaria Nr. 00000678520 all
Credins Bank: Llogaria Nr.00000772756 $
Nga monitorimi i transaksioneve financiare, të kryera për periudhën 3 muaj përpara dhe pas ditës së zgjedhjeve, duke filluar nga data 25 mars 2017, deri në datën 25 shtator 2017, rezulton se 80% e shpenzimeve reale, të harxhuara për qëllim elektoral, nuk janë regjistruara si të tilla, ndërkohë që me urdhë të kryetares së LSI, zyra e financës, nuk pranoi të dorëzonte pasqyrat reale e të plota bankare./Pamfleti
LEXONI-Raporti-i-plote-me-te-dhenat-financiare-ilegale-qe-ka-perdorur-LSI-ne-zgjedhjet-parlamentare-2017