Në përgjimet e zbardhura sot nga Shqiptarja.com të Kastriot Ismailaj për “dosjen 978”, në një nga bisedat e tij, ky i fundit flet edhe me gazetarin A.Zh.
Gazetari A.Zh, që gazeta i jep vetëm inicialet, me gjasë është Artur Zheji, pasi Ismailaj i premton që do ta ndihmojë për votat.
Kujtojmë që më 2009, Zheji kandidoi për LSI-në në Durrës për deputet, por nuk fitoi dot.
Dhe përgjimet janë bërë pikërisht më 2009.
Por ato u zhdukën, pasi Prokuroria drejtohej nga i besuari i Ilir Metës, Adriatik Llalla.
Kjo dosje, ndryshe nga ato të tanishmet që po trazojnë politikën, është mbyllur me vendim Prokurorie për të mos u hetuar kurrë.
Përgjimi i Ismailaj me gazetarin A.ZH
Gazetari A.Zh: O Joti!
Kastrioti: Po ku je, o deputet!? Se të mora atë ditë, po s’e ngrejte. Isha me Sevranin…
Gazetari A.Zh: … Të mora edhe unë mbrapsht, po s’e ngrite … dilte i padisponueshëm … Nga je ti?
Kastrioti: Unë në Tiranë jam se na erdhi edhe Sevrani dje nga Vjena me gjithë Nanon, janë bashkë
Gazetari A.Zh: Jo ore!
Kastrioti: E ore e! Kemi habere të reja. Po ça më tha mua ai, se nuk mora vesh nji gjë unë?
Gazetari A.Zh: He?
Kastrioti: Është ndërru zona jote, nga Tirana e Re, ke vajt te … rruga e Fortuzit, ë?
Gazetari A.Zh: Jo, te rruga e Durrësit … nga 9-ta, te 5-a … Nga 5-a, tek 9-ta.
Kastrioti: … e ishte lagja 5 e vjetër.
Gazetari A.Zh: E, e, e
Kastrioti: Se, ndodhi rastësisht, më tako Tit Vargu.
Gazetari A.Zh: Po
Kastrioti: Edhe më thotë jam këtu anej, knej shefi?
Gazetari A.Zh: Ti ke ke 7-a?
Kastrioti: Jo, nuk është tek 7-a ai, vëlla … Këtu, këtu, mor, tek Samsungu. Nuk e di si i bjen si numër. Ku ka qenë Kol Nako … edhe kishte jo shefi pa shefi. I thashë unë: Ti do jeshë ajo nana jote ka qenë zysha e nanës teme … po unë do jem me deputetin tjetër … Një kena shefin dhe një kena vëllain e shefit.
Gazetari A.Zh: Sa i madh që je
Kastrioti: Po, për Zotin, Jo, tha, jo. Me më nimu për gjana, për vota, jo për lekë, më tha mu. Për lekë, e di unë që s’kërko ti, se ke fitu boll, i thashë unë.
Gazetari A.Zh: Lekë ka boll ai shkërdhatë.
Kastrioti: E e e
Gazetari A.Zh: … dua të them që … sot … të mbaroj emisionin dhe të takohemi mos pimë ndonjë kafe.
Kastrioti: … Aty tek vinoteka tek Tirana e Re e kemi lanë me shku deri tani. Nuk e di nëse ndryshon plani.
Gazetari A.Zh: Kam qef ta pi një kafe tek për tek me ty unë, mos sot, nesër.
Kastrioti: … Jo sot, jo sot … nesër do hiki deri në Ohër e do vij në darkë … se kam mision … vëlla. Se shtyva edhe Amerikën unë për datën 15. Dua të hiki në Amerikë unë më datën 14 dhe mund të hiki më 16.
Gazetari A.Zh: Mirë, shifemi sot, atëhere. Kur të mbaroj, do të të bëj telefon.
Kastrioti: Mirë, vëlla. Hajde…