38-vjeçarja Alessia Vidotto ishte në Tiranë me pushime me bashkëshortin dhe djalin e saj një vjeç e gjysmë kur nisi të ndjente simptomat e para, të cilat i ngatërroi me gripin. Pas disa ditësh ajo vendosi të shkojë te mjeku dhe gjatë vizitës u vendos diagnoza: miokarditi, një inflamacion i miokardit i lidhur zakonisht me infeksione, sëmundje sistemike ose ekspozim ndaj barnave dhe toksinave.
Në raste më serioze, mund të kërkohet transplantim i zemrës. Në rastin e Alessias, mjekët nuk kishin asnjë dyshim në atribuimin e inflamacionit me virusin Covid. 38-vjeçarja u transferua me urgjencë në Tiranë, por gjendja e saj filloi të përkeqësohej me shpejtësi nga 13 gushti.
Nëna e saj ka rrëfyer për mediat italiane se Alessia ishte infektuar me Covid-19, dhe u shtrua menjëherë në spital, por virusi i preku zemrën dhe nuk arriti të mbijetonte. Ajo thekson se mjekët në Tiranë e ndihmuan vajzën e saj deri në momentet e fundit, por nuk arritën ta shpëtonin.
“Sipas mjekëve, virusi do të kishte prekur mushkëritë dhe më pas kishte infektuar zemrën. Vajza ime ka qenë gjithmonë e qetë këto ditë. Ajo ndoshta nuk e kuptoi se çfarë do të ndodhte. “Është thjesht Covid” ajo duhet të ketë thënë me vete kur ne nuk mund t’i afroheshim asaj.
Asistenca ishte shumë e shpejtë. Janë kujdesur absolutisht në mënyrën më të mirë të mundshme,” shpjegon nëna e saj Helga, e cila fluturoi në Shqipëri për të ndihmuar vajzën e saj gjatë shtrimit në spital.
Por miokarditi fulminant e mori atë brenda pak ditësh. 38-vjeçarja vdiq më 15 gusht, duke lënë pas bashkëshortin Eroldin dhe një fëmijë të vogël. E përshkruar si një grua e qeshur dhe e rezervuar, Alessia Vidotto ishte e punësuar në Marcoli, një kompani lider në sektorin e syzeve.
