Nga Armir Shkurti
Atje nisi, atje mbaroj,
Atje krisi, atje pushoj,
Rrufe-shkab’ e Malësisë,
Në një shkëmb të Dragobisë.
Një orë plot zgjati “protesta më e fuqishme që Shqipëria s’e ka parë kurrë”. Në 18:43 Doktori i hipi makinës e la sheshin.
Më jepni një mendje ju lutem, se unë nuk kuptova shumë gjëra:
1 – Parullat më së shumti i referoheshin verës së shtrenjtë që ka pirë Rama.
a. A është kjo kauza e opozitës?
b. A mundet që kjo kauzë të mobilizojë zemërimin popullor e të përmbysë Ramën?
2 – A ishte kjo protesta më e fuqishme që ka njohur Shqipëria?
a. Nëse po, çfarë solli?
b. Nëse jo:
– e prenë në besë Doktorin?
– na preu në besë Doktori?
– diçka tjetër?
3 – A është koha që demokratët të marrin në dorë partinë, ta shohin realitetin në sy, riorganizohen e të ndërtojnë strategji, struktura e mbi të gjitha, lidership?
4 – Pjesmarrja kaq e dobët (në raport me situatën, rrethanat dhe kushtet ku ndodhet vendi dhe PD) a mund të konsiderohet refuzim i masës me integritet të demokratëve ndaj shpërdorimit prej Berishës?
