Festivali i 58 i RTSH-së është mbyllur mes polemikave.
I tillë në fakt, nisi që në fillim.
Polemikat nisën pasi Festivalin në dorë e morë Vera Grabocka me Alketa Vejsiun, e vazhduan me përzgjedhjen e këngëve, ku iu hap rruga pjesmarrjes së shumë kompozitorëve të huaj.
Vazhduan pastaj me akuzat, se fituesja ishte e parazgjedhur, dhe ajo ishte Elvana Gjata.
Gjë që në fund nuk rezultoi kështu, ndoshta prej faktit se këndimi live i Elvana Gjatës ishte skandaloz dhe në nivel mediokër.
Ashtu siç në fakt ishte gjithë Festivali.
Por, kur këndon në atë farë niveli këngëtarja që cilësohet si më e mira në Shqipëri, atëherë kupton nivelin e muzikës në Shqipëri.
Për të mos përmendur pastaj protagonizmin e prezantueses Alketa Vejsiu, e cila e përdori këtë Festival për të bërë shou dhe për të vënë veten në qendër, a thua se ky festival bëhej për të, e deri tek reklamat e shumta.
Ka vite që festivali i RTSH-së është në nivele qesharake, por ky i fundit nga shumë muzikdashës, është konsideruar si më mediokri.
